ନୂଆଦିଲ୍ଲୀ (ଆମ ଟିଭି): ପଶ୍ଚିମବଙ୍ଗରେ ଶିକ୍ଷକ ନିଯୁକ୍ତିରେ ହୋଇଥିବା ବଡ଼ ଘୋଟାଲା ସମ୍ପର୍କରେ କୋଟିଏ ପରେ ଗୋଟିଏ ତଥ୍ୟ ସାମ୍ନାକୁ ଆସୁଛି । ଏହି ଦୁର୍ନିତିରେ ମନ୍ତ୍ରୀ ପାର୍ଥ ଚାଟାର୍ଜୀଙ୍କ ଲିଙ୍କ ଥିବା ବେଳେ ତାଙ୍କ ଘନିଷ୍ଠ ଅର୍ପିତା ଚୌଧୁରୀଙ୍କ ଘରୁ ୫୦ କୋଟିରୁ ଅଧିକ ଟଙ୍କା ଓ ସୁନା ମିଳିଲାଣି । କିନ୍ତୁ ଏବେ ସେ ଆହୁରି କୋଟି କୋଟି ଟଙ୍କା ଲୁଚା ରଖିଥିବା ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଜାଣିବାକୁ ପାଇଛି। ତାଙ୍କର ୪ଟି ଦାମୀ କାର ହଠାତ ଗାଏବ ହୋଇଯାଇଛି। ଏହି ୪ଟି କାରରେ ଟଙ୍କା ଭର୍ତ୍ତି ହୋଇ ରହିଥିବା ଇଡି ସନ୍ଦେହ କରୁଛି। ଏଥିପାଇଁ କାରଗୁଡ଼ିକ ଠାବ କରିବା ପାଇଁ ଅର୍ପିତାଙ୍କ ଲିଙ୍କ ଥିବା ବିଭିନ୍ନ ଠିକଣାରେ ତଦନ୍ତକାରୀ ଅଧିକାରୀମାନେ ରେଡ କରୁଛନ୍ତି।
ମିଳିଥିବା ସୂଚନା ଅନୁଯାୟୀ, ଅର୍ପିତା ମୁଖାର୍ଜୀଙ୍କୁ ଗିରଫ କରି ଇଡି ଜେରା କରୁଛି। ଏହି ସମୟରେ ତାଙ୍କ ଠାରୁ ୪ଟି ଦାମ କାର ସମ୍ପର୍କରେ ଅଧିକାରୀମାନେ ଜାଣିବାକୁ ପାଇଛନ୍ତି। ଗୋଟିଏ ଅଡି ଏ୪, ଗୋଟିଏ ହୁଣ୍ଡା ସିଟି, ଗୋଟିଏ ହୁଣ୍ଡା ସିଭିଆର ଓ ଗୋଟିଏ ମର୍ସିଡିଜ ବେଞ୍ଜ ଅର୍ପିତାଙ୍କର ରହିଥିଲା। ସେ ଗିରଫ ହେବାର ଦିନକ ପୂର୍ବରୁ ହିଁ କାର ଗୁଡ଼ିକ ଗାଏବ ହୋଇଯାଇଛି। ଏହି କାରଗୁଡ଼ିକରେ ଟଙ୍କା ଭର୍ତ୍ତି କରି ଅନ୍ୟତ୍ର ନିଆଯାଥିବା ଇଡି ସନ୍ଦେହ କରୁଛି। ତେଣୁ ସେ କାର୍ ଗଲା କୁଆଡେ ତାକୁ ଇଡ଼ି ଖୋଜିବାରେ ଳାଗିଛି ।