କାହିଁକି ପ୍ରାର୍ଥୀ ତାଲିକା ପ୍ରତ୍ୟାହାର କଲା ବିଜେପି, ଜାଣନ୍ତୁ ଅନ୍ଦର ମହଲରେ କ’ଣ ହେଲା

ଜମ୍ମୁ-କଶ୍ମୀର ବିଧାନସଭା ନିର୍ବାଚନ ପାଇଁ ସୋମବାର ଭାଜପା ପ୍ରଥମେ ୪୪ ଜଣ ପ୍ରାର୍ଥୀଙ୍କ ନାମ ଘୋଷଣା କରିଥିଲା। ହେଲେ କିଛି ସମୟ ପରେ ଦଳ ଏହି ତାଲିକାକୁ ପ୍ରତ୍ୟାହର କରି ୧୫ ଜଣିଆ ପ୍ରାର୍ଥୀ ତାଲିକା ଘୋଷଣା କରିଛି। ଦଳ କାହିଁକି ଏହି ପଦକ୍ଷେପ ନେବାକୁ ପଡିଲା ସେନେଇ ରାଜନୈତିକ ମହଲରେ ଗୁରୁତର ଆଲୋଚନା ଚାଲିଛି। ସାଧାରଣତଃ ଭାରତୀୟ ଜନତା ପାର୍ଟି ଏଭଳି ପଦକ୍ଷେପ ନେଇ ନ ଥାଏ। ଏହା ମଧ୍ୟ କୁହାଯାଉଛି ଯେ ଏହାକୁ ଧରି ଦଳ ଉତ୍ତରପ୍ରଦେଶ ଲୋକ ସଭା ନିର୍ବାଚନରେ ହୋଇଥିବା ତ୍ରୁଟିର ପୁନରାବୃତ୍ତିରୁ ନିଜକୁ ରକ୍ଷା କରିଛି।

ଭାଜପା ତିନୋଟି ପର୍ଯ୍ୟାୟ ପାଇଁ ୪୪ଜଣ ପ୍ରାର୍ଥୀଙ୍କ ତାଲିକା ମଧ୍ୟ ଏହାର ଅଫିସିଆଲ ୱେବସାଇଟରେ ଅପଲୋଡ କରିସାରିଥିଲା। ବର୍ତ୍ତମାନ ଏହି ତାଲିକାକୁ ସେଠାରୁ ହଟାଇ ଦିଆଯାଇଛି। ୱେବସାଇଟରେ କେବଳ ପ୍ରଥମ ପର୍ଯ୍ୟାୟର ୧୫ଜଣ ପ୍ରାର୍ଥୀଙ୍କ ନାମ ଦୃଶ୍ୟମାନ ହେଉଛି। ଅବଶିଷ୍ଟ ପ୍ରାର୍ଥୀଙ୍କ ନାମ ପ୍ରତ୍ୟାହାର କରାଯାଇଛି। ଦଳ ସୂତ୍ରରୁ ପ୍ରକାଶ ଯେ ଦ୍ୱିତୀୟ ଏବଂ ତୃତୀୟ ପର୍ଯ୍ୟାୟ ପାଇଁ ପ୍ରାର୍ଥୀଙ୍କ ନାମ ଭୁଲରେ ତାଲିକାରେ ଅନ୍ତର୍ଭୁକ୍ତ କରାଯାଇଥିଲା। ମିଳିଥିବା ସୂଚନା ଅନୁଯାୟୀ, ଦ୍ୱିତୀୟ ଏବଂ ତୃତୀୟ ପର୍ଯ୍ୟାୟ ପାଇଁ ପ୍ରାର୍ଥୀଙ୍କ ଉପରେ ଆଲୋଚନା କରାଯାଇଛି ଏବଂ ସମ୍ଭାବ୍ୟ ପ୍ରାର୍ଥୀଙ୍କ ନାମ ମଧ୍ୟ ସ୍ଥିର ହୋଇଛି କିନ୍ତୁ ଏହା ଏପର୍ଯ୍ୟନ୍ତ ପ୍ରକାଶ ପାଇନାହିଁ।

ସୂଚନାଯୋଗ୍ୟ ପାର୍ଟି ସୂତ୍ର ଅନୁଯାୟୀ, ପ୍ରାର୍ଥୀଙ୍କ ନାମ ଘୋଷଣା ଦ୍ୱାରା ବିରୋଧୀ ଦଳ ଉପକୃତ ହୋଇପାରନ୍ତି। ପ୍ରାର୍ଥୀ ଚୟନ ରଣନୀତି ପରିବର୍ତ୍ତନ କରି ଭାଜପା ତାଲିକା ଦେଖି ସେମାନେ ଏହାର ଲାଭ ଉଠାଇ ପାରନ୍ତି। ଏହାକୁ ଏଡାଇବା ପାଇଁ ଦଳ କେବଳ ଶେଷ ମୁହୂର୍ତ୍ତରେ ତାଲିକା ପ୍ରକାଶ କରିବାକୁ ଚେଷ୍ଟା କରୁଛି ବୋଲି କୁହାଯାଉଛି। ବିରୋଧୀ ଦଳର ପ୍ରାର୍ଥୀଙ୍କୁ ଦେଖି ଭାଜପା ଏହାର ଫାଇଦା ନେଇପାରିବ ବୋଲି ମଧ୍ୟ ପ୍ରୟାସ କରାଯାଇଛି। ତେବେ ଏହା ମଧ୍ୟ ସତ୍ୟ ଯେ ଠି ସମୟରେ ତାଲିକା ପ୍ରକାଶ କରୁଥିବା ଏକ ଦଳ ଭାବରେ ଭାଜପା ଜଣାଶୁଣା।