ଭୁବନେଶ୍ୱର (ଆମ ଟିଭି): ୧୯୯୦ ବ୍ୟାଚ୍ ଆଇପିଏସ୍ ଅଧିକାରୀ YB ଖୁରାନିଆ ପରବର୍ତ୍ତୀ ଓଡିଶା ଡିଜିପି ହେବାକୁ ଯାଉଛନ୍ତି । ଖୁରାନିଆଙ୍କ ନିଯୁକ୍ତି ନେଇ ପ୍ରକାଶ ପାଇଲା ବିଜ୍ଞପ୍ତି । ବିଏସଏଫ ୱେଷ୍ଟର୍ଣ୍ଣ ସେକ୍ଟରର ପରିଚାଳନା, ପ୍ରଶାସନିକ ତଥା ବିଏସଏଫରେ ମାନବ ସମ୍ବଳ ନିଯୁକ୍ତି ଦାୟିତ୍ବରେ ଥିଲେ। ଏହା ପୂର୍ବରୁ ସେ ନୂଆଦିଲ୍ଲୀ ବିଏସଏଫ ମୁଖ୍ୟାଳୟରେ ସ୍ପେଶିଆଲ ଡାଇରେକ୍ଟର ଜେନେରାଲ (ଅପରେସନ) ଦାୟିତ୍ୱରେ ଥିଲେ ।
ଓଡ଼ିଶା କ୍ୟାଡର ଅଫିସର ଯୋଗେଶ ବାହାଦୂର ଖୁରାନିଆ ପୂର୍ବରୁ ରାଉରକେଲା ଏସପି, ମୟୂରଭଞ୍ଜ, ଗଞ୍ଜାମ ଏବଂ ଅନ୍ୟ ଜିଲ୍ଲାରେ କାମ କରିଛନ୍ତି। ପଦୋନ୍ନତି ପାଇ ସେ ଭୁବନେଶ୍ୱର ରେଞ୍ଜ, ସାଉଥ ରେଞ୍ଜ ବ୍ରହ୍ମପୁର ଏବଂ ନର୍ଥ ରେଞ୍ଜ ସମ୍ବଲପୁର ଡିଆଇଜି/ଆଇଜି ଭାବେ ନିଯୁକ୍ତି ପାଇଥିଲେ । ଏହା ବ୍ୟତୀତ ଖୁରାନିଆ ତାଙ୍କର ସାହାସ, ସେବା ଓ କର୍ତ୍ତବ୍ୟ ପାଇଁ ରାଜ୍ୟପାଳ, ରାଷ୍ଟ୍ରପତିଙ୍କ ଦ୍ୱାରା ପୁରସ୍କୃତ ହୋଇଥିଲେ ।