ଦେଶରେ ଖୋଲିବ ୨୩ଟି ନୂଆ ସୈନିକ ସ୍କୁଲ

ନୂଆଦିଲ୍ଲୀ : ବର୍ତ୍ତମାନ ଦେଶରେ ୨୩ ଟି ନୂଆ ସୈନିକ ସ୍କୁଲ ଖୋଲିବାକୁ ଯାଉଛି। ଶନିବାର ସରକାରୀ ସୂଚନା ଅନୁଯାୟୀ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏହି ବିଦ୍ୟାଳୟଗୁଡ଼ିକୁ ସହଭାଗୀତା ମୋଡରେ ପ୍ରତିଷ୍ଠା କରିବାକୁ ଅନୁମୋଦନ ଦେଇଛନ୍ତି। ପ୍ରତିରକ୍ଷା ମନ୍ତ୍ରଣାଳୟର ବିବୃତ୍ତି ଅନୁଯାୟୀ, ନୂତନ ବିଦ୍ୟାଳୟଗୁଡ଼ିକ ସମ୍ପୃକ୍ତ ଶିକ୍ଷା ବୋର୍ଡ ସହ ଜଡିତ ହେବା ବ୍ୟତୀତ ସୈନିକ ସ୍କୁଲ ସୋସାଇଟି ଅଧୀନରେ କାର୍ଯ୍ୟ କରିବେ ଏବଂ ସୋସାଇଟି ଦ୍ୱାରା ନିର୍ଦ୍ଧାରିତ ସହଭାଗୀତା ମୋଡରେ ନୂତନ ସୈନିକ ସ୍କୁଲ ପାଇଁ ନିୟମ ପାଳନ କରିବେ।

ସହଭାଗୀତା ମୋଡ ଅଧୀନରେ ଦେଶର ୧୧ ଟି ରାଜ୍ୟରେ ୨୩ ଟି ନୂଆ ସୈନିକ ସ୍କୁଲ ଖୋଲାଯିବ। ସେଥିମଧ୍ୟରୁ ଉତ୍ତରପ୍ରଦେଶର ମଥୁରା, ଲକ୍ଷ୍ନୌ, ଏଟୱା, ହରିୟାଣାର କୁରୁକ୍ଷେତ୍ର, ହିମାଚଳ ପ୍ରଦେଶର ହମିରପୁରରେ ବିଦ୍ୟାଳୟଗୁଡ଼ିକ ଖୋଲିବ।

ଏହା ସହିତ ଆନ୍ଧ୍ରପ୍ରଦେଶର ଗୋଟିଏ ଜିଲାରେ, ବିହାରରେ ଗୋଟିଏ, ଛତିଶଗଡରେ ଚାରିଟି, କର୍ନାଟକରେ ଦୁଇଟି, କେରଳରେ ଦୁଇଟି, ମଧ୍ୟପ୍ରଦେଶରେ ତିନୋଟି, ମହାରାଷ୍ଟ୍ରରେ ଦୁଇଟି ଏବଂ ରାଜସ୍ଥାନରେ ୪ ଜିଲାରେ ଏହି ସ୍କୁଲ ଖୋଲିବ। ମନ୍ତ୍ରଣାଳୟ କହିଛି ଏହି ପଦକ୍ଷେପ ସହିତ ସୈନିକ ସ୍କୁଲ ସୋସାଇଟି ଅଧୀନରେ ସହଭାଗୀତା ମୋଡ ଅଧୀନରେ କାର୍ଯ୍ୟ କରୁଥିବା ନୂତନ ସୈନିକ ସ୍କୁଲ ସଂଖ୍ୟା ୪୨କୁ ବୃଦ୍ଧି ପାଇଛି, ଏହା ବ୍ୟତୀତ ବିଦ୍ୟମାନ ୩୩ ଟି ସୈନିକ ସ୍କୁଲ ବିଦ୍ୟମାନ ଢାଞ୍ଚାରେ କାର୍ଯ୍ୟ କରୁଛି।