ସମ୍ବଲପୁର (ଆମ ଟିଭି): ବୁର୍ଲା ଭୀମସାରରେ ଦୁଇ ଛାତ୍ର ଗୋଷ୍ଠୀ ମୁହାଁମୁହିଁ ହୋଇଛନ୍ତି । ବ୍ରହ୍ମପୁର ମେଡିକାଲ କଲେଜ ଛାତ୍ର ଓ ବୁର୍ଲା ମେଡିକାଲ କଲେଜ ଛାତ୍ରଙ୍କ ମଧ୍ୟରେ ଗଣ୍ଡଗୋଳ ଘଟିଛି । ଏଥିରେ ବ୍ରହ୍ମପୁର ଏମକେସିଜି ମେଡିକାଲର ୫ରୁ ୬ ଜଣ ଛାତ୍ର ଆହତ ହୋଇଛନ୍ତି । ବୁର୍ଲା ମେଡିକାଲ କଲେଜ ସାମ୍ନାରେ ଏଭଳି ଘଟଣା ଘଟିଛି ।
ବୁର୍ଲା ମେଡିକାଲରେ ଆୟୋଜିତ ହେବାକୁ ଥିବା ‘ୟୁଫୋରିଆ’ ରେ ବ୍ରହ୍ମପୁର ଛାତ୍ର ଭାଗ ନେବାକୁ ଆସିଥିବାବେଳେ ଏଭଳି ଗଣ୍ଡଗୋଳ ହୋଇଛି । ଖବର ଅନୁସାରେ, ଭୀମସାରରେ ଆସନ୍ତା ୭ ତାରିଖରୁ ଆନ୍ତଃ ମେଡିକାଲ କଲେଜ କ୍ରୀଡା ଓ ସାଂସ୍କୃତିକ ଉତ୍ସବ, ୟୁଫୋରିଆ ଆୟୋଜିତ ହେଉଛି । ଏହା ୧୦ ତାରିଖ ଯାଏଁ ଚାଲିବ । ଏଥିରେ ଭାଗନେବା ପାଇଁ ପ୍ରଥମ ବ୍ୟାଚ ଭାବେ ବ୍ରହ୍ମପୁର ବଡ ମେଡିକାଲର ଛାତ୍ର ପଂହଚିଥିଲେ । ବ୍ରହ୍ମପୁର ମେଡିକାଲ କଲେଜ ଛାତ୍ରଙ୍କୁ ସ୍ୱାଗତ କରିଥିଲେ ବୁର୍ଲା ମେଡିକାଲର ଛାତ୍ର ।ଏପରିକି ଅଗ୍ନିନିର୍ବାପକ ଯନ୍ତ୍ର ବାହାର କରି ମୁହଁରେ ମାରିଥିଲେ ବୋଲି ଅଭିଯୋଗ ହୋଇଛି । ଏହାପରେ ବୁର୍ଲା ମେଡିକାଲ ଛାତ୍ର, ଏମକେସିଜି ଛାତ୍ରଙ୍କ ବସ ଭାଙ୍ଗିବା ସହ ପଥର ମାଡ କରିଥିଲେ ବୋଲି ଅଭିଯୋଗ ହୋଇଛି ।