ଦୁଇ ନମ୍ବର ଜେଲରେ ରହିବେ କେଜ୍ରିୱାଲ

ଆପର ୪ର୍ଥ ଓ ବିରୋଧୀ ମେଣ୍ଟ ଇଣ୍ତିଆର ୫ମ ସଦସ୍ୟ ଭାବେ ତିହାର ଜେଲକୁ ଯାଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ। ୨୦୨୪ ସାଧାରଣ ନିର୍ବାଚନକୁ ନେଇ ବିରୋଧୀ ଓ କ୍ଷମତାସୀନ ବିଜେପି ମଧ୍ୟରେ ଜୋରଦାର ବାକଯୁଦ୍ଧ ଚାଲିଥିବା ବେଳେ ଆଜି କେଜ୍ରିୱାଲ ଆସନ୍ତା ୧୫ ତାରିଖ ଯାଏ ଜେଲ ହାଜତକୁ ଯାଇଛନ୍ତି।

ଦିଲ୍ଲୀର ତଥାକଥିତ ଅବକାରୀ ନୀତି ଦୁର୍ନୀତି ଘଟଣାରେ ଇଡି ମାର୍ଚ୍ଚ ୨୧ରେ କେଜ୍ରିୱାଲଙ୍କୁ ଗିରଫ କରିଥିଲା। ଏହାପରେ ଦୁଇଟି ପର୍ଯ୍ୟାୟ ରିମାଣ୍ଡରେ ନେଇ ତାଙ୍କୁ ଜେରା କରିଥିଲା। ଆଜି ରିମାଣ୍ତ ଅବଧି ଶେଷ ହେବାରୁ କୋର୍ଟ କେଜ୍ରିୱାଲଙ୍କୁ ଆସନ୍ତା ୧୫ ଯାଏ ତିହାର ଜେଲକୁ ପଠାଇ ଦେଇଛନ୍ତି।