ଜୀ ସାର୍ଥକର ନୂଆ ଓଡ଼ିଆ ଫିଲ୍ମ ‘‘ଏଇ ରାକ୍ଷୀ ତୋ’ ରକ୍ଷା କବଚ ୨” ର ଅଡିଓ ରିଲିଜ୍*
ଓଡିଶାର ଘରେ ଘରେ ପରିଚିତ ଜୀ ସାର୍ଥକ ସବୁବେଳେ ଓଡ଼ିଆ ଘରର ପରମ୍ପରା ଓ ରୀତିନୀତିକୁ ଆଖିଆଗରେ ରଖି ଭେଟିଦିଏ ବିଭିନ୍ନ ମନୋରଞ୍ଜନ ଭିତ୍ତିକ କାର୍ଯ୍ୟକ୍ରମ ଓ ଧାରାବାହିକ । ଜୀ ସାର୍ଥକ ସବୁବେଳେ ଲୋକଙ୍କ ପସନ୍ଦକୁ ଗୁରୁତ୍ବ ଦେଇ ଆସୁଛି । ଦର୍ଶକଙ୍କ ପାଖରୁ ମିଳୁଥିବା ଅଗଣିତ ଭଲପାଇବା ଫଳରେ ଜୀ ସାର୍ଥକ ଦର୍ଶକଙ୍କ ଭଲ ପାଇବାକୁ ଧ୍ୟାନରେ ରଖି ମନଛୁଆଁ ଧାରାବାହିକ ସହିତ ଅନେକ ଫିଲ୍ମ ମଧ୍ୟ ପ୍ରସ୍ତୁତ କରୁଛନ୍ତି ।
ଏହି ଧାରାରେ ଦର୍ଶକଙ୍କ ପସନ୍ଦକୁ ଧ୍ୟାନରେ ରଖି ଆସୁଥିବା ଗଣପର୍ବ ରାକ୍ଷୀ ପୂର୍ଣ୍ଣିମା ଅବସରରେ ରାକ୍ଷୀର ମାହୋଲକୁ ଆହୁରି ଖାସ କରିବା ପାଇଁ ଜୀ ସାର୍ଥକ ନେଇ ଆସୁଛି ତା’ର ନୂଆ ଫିଲ୍ମ ‘ଏଇ ରାକ୍ଷୀ ତୋ’ ରକ୍ଷା କବଚ ୨’, ଯାହା ଅଗଷ୍ଟ ୧୮ ତାରିଖ ସନ୍ଧ୍ୟା ୬:୩୦ ରେ ଜୀ ସାର୍ଥକରେ ପ୍ରସାରଣ ହେବ । ଏହି ଅବସରରେ ସ୍ଥାନୀୟ ହୋଟେଲ ରେ ଏହାର ଅଡିଓ ଲୋକାର୍ପଣ ହୋଇଥିଲା l
ଲିପ୍ସା ମିଶ୍ର ପ୍ରଯୋଜିତ ଏହି ଫିଲ୍ମର ନିର୍ଦ୍ଦେଶନା ଦ୍ଵାୟୀତ୍ଵ ନେଇଛନ୍ତି ସଂଜୟ ନାୟକ । ମୁଖ୍ୟ ଅଭିନୟରେ ଅଭିନେତା ବିକ୍ରମ ମହାନ୍ତି, ଅନନ୍ୟା, ଲିପ୍ସା, କେ କେ, ଡିସ୍କୋ ରେଡ୍ଡୀ ଙ୍କ ସହିତ ଆହୁରି ଅନେକ କଳାକାର l ଗୀତ ଗୁଡିକୁ ବିରଜା ପ୍ରସାଦ ସଂଯୋଜନା କରିଥିବା ବେଳେ ଡଃ ନିର୍ମଳ ନାୟକଙ୍କ ଲେଖାକୁ ସ୍ବର ଦେଇଛନ୍ତି ଅସୀମା ପଣ୍ଡା, ସତ୍ୟଜିତ ଓ ଏସ୍. ଜିତୁ ।
କାହାଣୀର ନାୟକ ବିରାଟଙ୍କ ଗୋଟିଏ ବେବି ଫୁଡ୍ କମ୍ପାନୀ ରହିଛି ଯାହାକୁ ନେଇ ସବୁବେଳେ ଇର୍ଷାରେ ରୁହେ ରୁଦ୍ର । ଚକ୍ରାନ୍ତ କରି ବିରାଟଙ୍କୁ କେମିତି ଫସାଇବ ତାର ଯୋଜନା ସବୁବେଳେ ପାଞ୍ଚୁଥାଏ ରୁଦ୍ର । ସେପଟେ ପରିସ୍ଥିତି ଚକ୍ରରେ ବିରାଟର ମୃତ୍ଯୁ ହୁଏ । ବିରାଟ ଚାଲିଯିବା ପରେ ତାଙ୍କ ପୁଅ ବିକ୍ରମ ଓ ଝିଅ ପ୍ରୀତି ଏକା ପଡିଯା’ନ୍ତି । ସମ୍ପତ୍ତି ହାତେଇବା ପ୍ରୟାସରେ ରୁଦ୍ର ବିରାଟଙ୍କ ଘରକୁ ପ୍ରବେଶ କରିବା ସହିତ ବିକ୍ରମକୁ ଖରାପ ବାଟରେ ନେଇଯାଏ ଓ ଝିଅ ପ୍ରୀତି ସହିତ ତା’ ପୁଅର ବିବାହ କରିବାକୁ ଯୋଜନା କରେ । ତେବେ ରକ୍ଷା ବନ୍ଧନରେ କାହାଣୀରେ ଆସିଛି ଏକ ଅପ୍ରତ୍ୟାଶିତ ମୋଡ । ପ୍ରୀତି ଭାଇ ବିକ୍ରମକୁ ଭଲ ବାଟକୁ ନେଇଆସେ ଓ ଦୁଇ ଜଣ ମିଶି ଜାଣିବାକୁ ପାଇଛନ୍ତି କେମିତି ବିରାଟଙ୍କ ମୃତ୍ଯୁ ହୋଇଛି l ତାଙ୍କର ଏହି ଅବସ୍ଥା ପାଇଁ ଦାୟୀ କିଏ? ତେବେ କେମିତି ବିକ୍ରମ ଓ ପ୍ରୀତି ଆଗକୁ ବଢିବେ । ପ୍ରକୃତ ଦୋଷୀକୁ କେମିତି ଧରିବେ ଓ ପ୍ରତିଶୋଧ ନେଇପାରିବେ ତ ? ଜାଣିବା ପାଇଁ ପୁରା ଫିଲ୍ମ ଦେଖିବେ ଦର୍ଶକ ଆସନ୍ତା ରବିବାର ସନ୍ଧ୍ୟା ୬:୩୦ କେବଳ ଜୀ ସାର୍ଥକରେ ।
ଏକ ରୋଚକ କାହାଣୀ ନେଇ ରକ୍ଷା ବନ୍ଧନରେ ଆଗକୁ ଆସିଛି ଜୀ ସାର୍ଥକ । ଯାହାପାଇଁ ଆପଣଙ୍କ ଭଲପାଇବା ଓ ଆଶୀର୍ବାଦ ଲୋଡା । ଏହି ଫିଲ୍ମ ଓଡ଼ିଆ ଘରର ପରମ୍ପରାକୁ ଅଗ୍ରାଧିକାର ଦେବା ସହ ଭାଇ ଭଉଣୀର ସମ୍ପର୍କକୁ ଆହୁରି ମଜବୁତ କରିବ ଯାହା ମୋର ଆଶା ଓ ବିଶ୍ବାସ ବୋଲି କହିଛନ୍ତି ଜୀ ସାର୍ଥକର ଚିଫ ଚ୍ୟାନେଲ ଅଫିସର ପ୍ରତୀକ ସିଲ୍ ।