ରୋଷେଇ ଘରେ ଲଗାନ୍ତୁ ଏହି ପ୍ରତିମାଙ୍କ ଫଟୋ, ରହିବନି ଅଭାବ ଅନଟନ

ରୋଷେଇ ଘର ଆମ ଘରର ସବୁଠାରୁ ଗୁରୁତ୍ବପୂର୍ଣ୍ଣ ସ୍ଥାନ । ଯାହା ସ୍ବାସ୍ଥ୍ୟ ଓ ସମୃଦ୍ଧି ବଢାଇଥାଏ । ରୋଷେଇ ଘର ସହିତ ଅନେକ ବାସ୍ତୁ ନିୟମ ଯୋଡି ହୋଇ ରହିଛି । ରୋଷେଇ ଘରେ ଦେବୀ ଅନ୍ନପୂର୍ଣ୍ଣାଙ୍କ ଫଟୋ ରଖିବା । ବିଶେଷକରି, ଦେବୀ ଅନ୍ନପୂର୍ଣ୍ଣା ଭଗବାନ ଶିବଙ୍କୁ ଦାନ କରୁଥିବା ଚିତ୍ରକୁ ବହୁତ ଶୁଭ ବୋଲି ବିବେଚନା କରାଯାଏ । ତେବେ ଏହା ପଛରେ ଥିବା ପୌରାଣିକ କାହାଣୀ ଏବଂ ଲାଭ ବିଷୟରେ ଆସନ୍ତୁ ଜାଣିବା ।

ପୌରାଣିକ କଥା ଅନୁସାରେ, ଏପରି ଏକ ସମୟ ଥିଲା ଯେତେବେଳେ ପୃଥିବୀରେ ଖାଦ୍ୟ ଏବଂ ଜଳର ଅଭାବ ଥିଲା, ଯାହା ବ୍ୟାପକ ଦୁଃଖ ସୃଷ୍ଟି କରିଥିଲା । ଯେତେବେଳେ ସମସ୍ତ ଦେବତା ଏବଂ ମାନବ ଏହି ସଙ୍କଟ ଦୂର କରିବାକୁ ଚିନ୍ତାରେ ପଡ଼ିଥିଲେ ସେତେବେଳେ ଭଗବାନ ଶିବ ପୃଥିବୀକୁ ଆସିଥିଲେ । ପୃଥିବୀବାସୀଙ୍କ ଦୁଃଖ ଦୂର କରିବାକୁ ଦେବୀ ପାର୍ବତୀ ଅନ୍ନପୂର୍ଣ୍ଣାଙ୍କ ରୂପ ନେଇଥିଲାବେଳେ ଭଗବାନ ଶିବ ଜଣେ ଭିକାରୀ ରୂପ ଧାରଣ କରିଥିଲେ । ଭଗବାନ ଶିବ ଦେବୀ ଅନ୍ନପୂର୍ଣ୍ଣାଙ୍କଠାରୁ ଦାନ ନେଇଥିଲେ ଏବଂ ପୃଥିବୀର ସମସ୍ତ ଭୋକିଲା ଲୋକଙ୍କ ମଧ୍ୟରେ ବାଣ୍ଟିଥିଲେ । ଏହିପରି ଭାବରେ ପୃଥିବୀର ଖାଦ୍ୟ ସଙ୍କଟ ଦୂର କରିଥିଲେ । କାଶୀ ନଗରୀରେ ଖାଦ୍ୟ ଅଭାବ ଦୂର କରିବା ପାଇଁ ଭଗବାନ ଶିବ ଦେବୀ ଅନ୍ନପୂର୍ଣ୍ଣାଙ୍କଠାରୁ ଦାନ ଗ୍ରହଣ କରିଥିଲେ । ସେବେଠାରୁ ଦେବୀ ଅନ୍ନପୂର୍ଣ୍ଣାଙ୍କୁ ଖାଦ୍ୟର ଦେବୀ ଭାବେ ପୂଜା କରାଯାଏ । ତେଣୁ ରୋଷେଇ ଘରେ ଶିବ ଓ ପାର୍ବତୀଙ୍କ ଛବି ଲଗାନ୍ତୁ । ଫଳରେ ଆପଣଙ୍କୁ କେବେ ଅଭାବୀ ଛୁଇଁପାରିବନି ।

କିନ୍ତୁ ଛବି ଲଗାଇବା ପୂର୍ବରୁ ପଦ୍ଧତି ଏବଂ ନିୟମ ସମ୍ପର୍କରେ ଜାଣନ୍ତୁ । ଏହି ଛବି ଲଗାଇବା ପୂର୍ବରୁ ରୋଷେଇ ଘର ଭଲ ଭାବରେ ସଫା କରନ୍ତୁ। ରୋଷେଇ ଘର ଏବଂ ଚିତ୍ର ଟାଙ୍ଗିବା ପାଇଁ କାନ୍ଥକୁ ପବିତ୍ର କରିବା ପାଇଁ ଗଙ୍ଗା ଜଳ ଛିଞ୍ଚନ କରନ୍ତୁ । ବାସ୍ତୁ ଅନୁସାରେ ଏହି ଛବିକୁ ଘରର ଉତ୍ତର କିମ୍ବା ପୂର୍ବ ଦିଗରେ ଲଗାଇବା ଉଚିତ୍ । ଏହି ଛବି ଲଗାଇବା ପୂର୍ବରୁ ଉପଯୁକ୍ତ ରୀତିନୀତିରେ ଗ୍ୟାସ୍ କିମ୍ବା ଚୁଲି ପୂଜା କରନ୍ତୁ । ଦେବୀ ଅନ୍ନପୂର୍ଣ୍ଣାଙ୍କ ନିକଟରେ ପ୍ରାର୍ଥନା କରନ୍ତୁ, ଯାହା ଦ୍ବାରା ଅଭାବ ଅନାଟନ ଦୂର ହେବ ।