ଭୁବନେଶ୍ୱର : ବାଲିଅନ୍ତା ଲିଞ୍ଚିଂ ଘଟଣାରେ ବଡ଼ ଆକ୍ସନ । ୪ ପୋଲିସ ଅଧିକାରୀ ଏବଂ କର୍ମଚାରୀ ନିଲମ୍ବିତ । ନିଲମ୍ବିତଙ୍କ ମଧ୍ୟରେ ଜଣେ ଏସଆଇ ଓ ଜଣେ ଏଏସଆଇ ଅଛନ୍ତି । ଆଉ ଦୁଇ ଜଣ ହୋମଗାର୍ଡଙ୍କୁ କାର୍ଯ୍ୟରୁ ଅପସାରଣ କରିବାକୁ ନୋଟିସ୍ ଜାରି ହୋଇଛି । ବାଲିପାଟଣା ଥାନା ଆଇଆଇସି ଅନିଲ ପରିଡ଼ାଙ୍କୁ ଭୁବନେଶ୍ୱର ସହରାଞ୍ଚଳ ପୋଲିସ ଜିଲ୍ଲା ମୁଖ୍ୟାଳୟକୁ ବଦଳି ହୋଇଛି । ବାଲିପାଟଣା ନୂଆ ଥାନା ଅଧିକାରୀ ହେଲେ ରଶ୍ମିତା ବେହେରା ।
ଏପଟେ ପୋଲିସ ଭବନରେ ଗୁରୁତତ୍ୱପୂର୍ଣ୍ଣ ବୈଠକ ଆରମ୍ଭ । ବାଲିଅନ୍ତା ଘଟଣା ପରେ ଆକ୍ସନ ମୋଡ୍ରେ ଡିଜି । ପୋଲିସ ଭବନରେ କମିସେରେଟ୍ ପୋଲିସର ସମସ୍ତ IIC ମାନଙ୍କୁ ନେଇ ଗୁରୁତ୍ୱପୂର୍ଣ୍ଣ ବୈଠକ ଆରମ୍ଭ । ବୈଠକରେ ପୋଲିସ ଡିଜିଙ୍କ ସମେତ ସିପି , ଡିସିପି ଓ ଆଡିସନାଲ ସିପି ଉପସ୍ଥିତ । ବାଲିଅନ୍ତା ଘଟଣା ପରେ ଆଇନ ଶୃଙ୍ଖଳା ପରିସ୍ଥିତିର ସମୀକ୍ଷା । ଅନଲାଇନରେ ମଧ୍ୟ ଯୋଡ଼ି ହୋଇଛନ୍ତି ବିଭିନ୍ନ ଥାନାର ଆଇଆଇସି ।
ସେପଟେ ମୃତ ସୋମ୍ୟଙ୍କ ଘରେ ପହଂଚିଛି କ୍ରାଇମବ୍ରାଞ୍ଚ । ମୃତ ସୋମ୍ୟଙ୍କ ବାପା ଓ ମା ଓ ମାମୁଁଙ୍କୁ ପଚରା ଉଚରା କରୁଛି । ଘଟଣା ଦିନ ଘରଠୁ ଆରମ୍ଭ କରି ବ୍ୟବସାୟୀକ କାରବାର ସମସ୍ତ ଦିଗକୁ ନେଇ ଯାଂଚ କରୁଛି କ୍ରାଇମବ୍ରାଞ୍ଚ । ଘଟଣାକ୍ରମର ଅନ୍ୟତମ ପ୍ରତ୍ୟକ୍ଷଦର୍ଶୀ ଓମ୍ ପ୍ରକଶକୁ ପଚରାଉଚରା । ଓମ୍ ଘରେ କ୍ରାଇମବ୍ରାଞ୍ଚ ଟିମ୍ ର ଖୋଳତାଡ । ଓମ୍ ହିଁ ଆରମ୍ଭରୁ ଶେଷ ଯାଏଁ ଘଟଣା ସ୍ଥଳରେ ଥିଲେ । ସୋମ୍ୟଙ୍କ ସହ ଓମ୍ ଯାଇଥିଲେ ସେ ଦିନ ।