ନୂଆଦିଲ୍ଲୀ(ଆମ ଟିଭି): ଆରମ୍ଭ ହୋଇଯାଇଛି କର୍ଣ୍ଣାଟକ ବିଧାନସଭାର ଫଳାଫଳ କାଉଣ୍ଟଡାଉନ । ଆଜି ସକାଳ ୮ଟାରୁ ଭୋଟ ଗଣତି ଆରମ୍ଭ ହୋଇଛି । ମେ’ ୧୦ ତାରିଖରେ କର୍ଣ୍ଣାଟକାର ୨୨୪ ବିଧାନସଭା ଆସନ ପାଇଁ ଭୋଟ ହୋଇଥିଲା । ଆଜି ଭୋଟ ଗଣତି ଜାରି ରହିଥିବା ବେଳେ ଫଳାଫଳ ପ୍ରକାଶ ପାଇବ । ଭୋଟ ଗଣତି ପାଇଁ ତ୍ରିସ୍ତରୀୟ ସୁରକ୍ଷା ବଳୟ ବ୍ୟବସ୍ଥା ଗ୍ରହଣ କରାଯାଇଛି ।
ବିଜେପି, କଂଗ୍ରେସ ଓ ଜେଡିଏସ ମଧ୍ୟରେ ଦେଖିବାକୁ ମିଳିବ କଡ଼ା ଟକ୍କର । ଚୂଡ଼ାନ୍ତ ରେଜଲ୍ଟ ପୂର୍ବରୁ ବିଭିନ୍ନ ସଂସ୍ଥା ପକ୍ଷରୁ ଏକଜିଟ ପୋଲ ପ୍ରକାଶ କରାଯାଇଛି । ସେପଟେ ବିଜେପି ମଧ୍ୟ ଅଧିକ ଆସନରେ ବିଜୟୀ ସମ୍ଭାବନା ଥିବାରୁ, ରାଜ୍ୟରେ ଝୁଲା ସରକାର ହେବା ଆଶଙ୍କା କରାଯାଉଛି । ଏଣୁ ବିଜେପି ଓ କଂଗ୍ରେସ ପକ୍ଷରୁ କୁମାରସ୍ୱାମୀଙ୍କୁ ଜେଡିଏସ ସହ କଥାବାର୍ତା ଆରମ୍ଭ ହୋଇଥିବା ସୂଚନା ମିଳିଛି ।