ଭୁବନେଶ୍ୱର(ଆମ ଟିଭି): ଆସନ୍ତା ୨୨ ତାରିଖରେ କଳାହାଣ୍ଡି ଆସୁଛନ୍ତି ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ଜେ ପି ନଡ୍ଡା । ଏନେଇ ଭାଜପା କଳାହାଣ୍ଡି ପକ୍ଷରୁ ଭବାନୀପାଟଣା ସ୍ଥିତ ଲାଲ ବାହାଦୁର ଶାସ୍ତ୍ରୀ ଠାରେ ବ୍ୟାପକ ଆୟୋଜନ ଆରମ୍ଭ ହୋଇଯାଇଛି । ଏଠାରେ ହେବାକୁ ଥିବା ମହା ଜନ ସମ୍ପର୍କ ଅଭିଯାନ କାର୍ୟ୍ୟକ୍ରମରେ ସାମିଲ ହେବେ ନଡ୍ଡା ।
ଏହି କାର୍ୟ୍ୟକ୍ରମରେ ମୋଦୀ ସରକାରଙ୍କ ୯ ବର୍ଷ ର ସଫଳତାର ବାର୍ତ୍ତା ଜଣାଇବା ସହିତ ମୋଦୀ ଙ୍କ ସୁଶାସନ, ଜନହିତକର କାର୍ୟ୍ୟାର ଦେବେ ହିସାବ, ଏହା ସହ ଦଳୀୟ କର୍ମୀ ଓ ନେତାଙ୍କ ସହ ଆସନ୍ତା ସାଧାରଣ ନିର୍ବାଚନ ସମ୍ପର୍କରେ ମଧ୍ୟ ଆଲୋଚନା କରିବାର କାର୍ୟ୍ୟକ୍ରମ ରହିଛି । ଆଗକୁ ୨୦୨୪ ସାଧାରଣ ନିର୍ବାଚନ ଥିବାରୁ ନଡ୍ଡାଙ୍କ କଳାହାଣ୍ଡି ଗସ୍ତ ବେଶ ଗୁରୁତ୍ୱପୂର୍ଣ୍ଣ ବୋଲି ଦଳୀୟ କର୍ମୀ ମହଲରେ ବେଶ ଚର୍ଚ୍ଚା ଚାଲିଛି ।