ମୋଦୀ-ଶାହଙ୍କ ନିଷ୍ପତ୍ତି ଗ୍ରହଣ କରିବି

ମହାରାଷ୍ଟ୍ରର ପରବର୍ତ୍ତୀ ମୁଖ୍ୟମନ୍ତ୍ରୀ କିଏ ହେବେ? ସାମ୍ବାଦିକ ସମ୍ମିଳନୀରେ ପୂର୍ବତନ ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏହି ପ୍ରଶ୍ନର ଉତ୍ତର ଦେଇଛନ୍ତି। ସେ କହିଛନ୍ତି ଯେ ମୁଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଫୋନ୍ କରି ତାଙ୍କ ମନରେ କୌଣସି ଚିନ୍ତା ନ ରଖିବାକୁ କହିଛି। ସିଏମ୍ ପଦବୀ ଉପରେ ଦାବି ତ୍ୟାଗ କରି ସେ କହିଛନ୍ତି ଯେ ମୁଁ ବିଜେପିର ମୁଖ୍ୟମନ୍ତ୍ରୀ ନେତୃତ୍ବକୁ ଗ୍ରହଣ କରୁଛି। ମୁଁ ବିଜେପିର ସିଏମ୍ ପ୍ରାର୍ଥୀଙ୍କୁ ସମର୍ଥନ କରିବି।

ସେ କହିଛନ୍ତି ଯେ, ମହାରାଷ୍ଟ୍ରର ବିକାଶ ପାଇଁ ମୁଁ କାର୍ଯ୍ୟ କରିବି। ସେ କହିଛନ୍ତି, ମୁଁ ଲୋକପ୍ରିୟତା ପାଇଁ ନୁହେଁ ବରଂ ମହାରାଷ୍ଟ୍ରର ଲୋକଙ୍କ ପାଇଁ କାମ କରିଛି। ମତେ ସମର୍ଥନ କରିଥିବାରୁ ମୁଁ ପିଏମ ମୋଦୀଙ୍କୁ ଧନ୍ୟବାଦ ଜଣାଇଛନ୍ତି।

ସିନ୍ଦେ କହିଛନ୍ତି ମୁଁ କାନ୍ଦୁଥିବା ଲୋକଙ୍କ ମଧ୍ୟରେ ନୁହେଁ, ମୁଁ ଲଢ଼େଇ କରୁଥିବା ଲୋକ। ମୁଁ ଅସନ୍ତୁଷ୍ଟ କି ଦୁଃଖିତ ନୁହେଁ। ମୁଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହଙ୍କ ନିଷ୍ପତ୍ତି ଗ୍ରହଣ କରିବି।
ମୁଁ ଜଣେ ସାଧାରଣ ଲୋକ ଭାବରେ କାମ କରିଛି। ମୁଖ୍ୟମନ୍ତ୍ରୀ ଭାବେ ନୁହେଁ ବୋଲି ସେ କହିଛନ୍ତି। ସର୍ବପ୍ରଥମେ ମୁଁ ଜନସାଧାରଣଙ୍କୁ ଧନ୍ୟବାଦ ଦେଉଛି। ଆମେ ପୂର୍ବରୁ ଏତେ ବଡ଼ ସଂଖ୍ୟାଗରିଷ୍ଠତା ପାଇ ନ ଥିଲୁ। ମହାୟୁତିର କାର୍ଯ୍ୟରେ ଜନସାଧାରଣ ଆତ୍ମବିଶ୍ୱାସ ପ୍ରକାଶ କରିଛନ୍ତି। ଆମେ କାମକୁ ପୁନଃ ଆରମ୍ଭ କରିଥିଲୁ ଯାହା ଏମଭିଏ ବନ୍ଦ କରିଥିଲା। ଆମେ କଲ୍ୟାଣକାରୀ ଯୋଜନା ଆଣିଥିଲୁ। ଏହି କାରଣରୁ ଆମେ ଏକ ବୃହତ ସଂଖ୍ୟାଗରିଷ୍ଠତା ପାଇଲୁ। ସମସ୍ତ କର୍ମୀମାନେ ମଧ୍ୟ ବହୁତ ପରିଶ୍ରମ କରିଥିଲେ।

ଜଣେ ସିଏମ୍ ହୋଇ ମୁଁ ସକାଳ ପାଞ୍ଚଟା ପର୍ଯ୍ୟନ୍ତ କାମ କରି ଚାଲିଥିଲି। ମୁଁ ବୁଝିପାରିଥିଲି ସାଧାରଣ ଲୋକ କେଉଁଠାରେ ଅସୁବିଧାର ସମ୍ମୁଖୀନ ହେଉଛନ୍ତି। ମୁଁ ଜଣେ ସାଧାରଣ ଲୋକ ଭାବରେ କାମ କରିଥିଲି। ଆମେ ଯାହା ବି କାମ କରିଥିଲୁ, ଆମେ ମହାରାଷ୍ଟ୍ରର ଲୋକଙ୍କ ପାଇଁ କରିଥିଲୁ।

ସିନ୍ଦେ କହିଛନ୍ତି ଯେ ଲୋକ ପରିବାର କିପରି ଚାଲିଛି ମୁଁ ଦେଖିଛି। ମୁଁ ଭାବିଲି ଯଦି ଆମେ କ୍ଷମତା ପାଉ, ତେବେ ଆମେ ଗରିବ ପରିବାର ପାଇଁ ଏକ ଯୋଜନା ଆଣିବୁ। ଏହା ପରେ ଲାଡଲି ବହେନ୍, ଲାଡଲି ଶେତକାରି ଏବଂ ଲାଡଲା ଭାଇ ଯୋଜନାରେ କାମ କରିଥିଲୁ। ସରକାର ଲୋକଙ୍କ ପାଇଁ କାମ କରିଛନ୍ତି ଏବଂ ପ୍ରତ୍ୟେକ ବ୍ୟକ୍ତିଙ୍କୁ କିଛି ପ୍ରଦାନ କରିଛନ୍ତି।