ଏଣିକି ଆଉ ଯିବାକୁ ପଡିବନି ରାଜସ୍ବ ଅଫିସ : ଘରେ ବସି ପାଇପାରିବେ ସାର୍ଟିଫିକେଟ
ରାଜସ୍ୱ ବିଭାଗର ବଡ଼ ନିଷ୍ପତ୍ତି । ଏପ୍ରିଲରୁ ଆରମ୍ଭ ହେବ ରାଜସ୍ୱ ବିଭାଗର ନୂଆ ଆପ୍ । ଆଉ ଯିବାକୁ ପଡିବନି ରାଜସ୍ୱ ଅଫିସ । ଘରେ ବସି ପାଇ ପାରିବେ ସାର୍ଟିପିକେଟ । ଅବହେଳା କଲେ ଧରା ପଡିବେ ଅଧିକାରୀ । ଏବେ ଜାତି ପ୍ରମାଣପତ୍ର, ଇନକମ ସାର୍ଟିଫିକେଟ, ରେସିଡେଣ୍ଟାଲ ସାର୍ଟିଫିକେଟ ପାଇଁ ଆଉ ତହସିଲ ଅଫିସକୁ ଯାଇ ଘଣ୍ଟା ଘଣ୍ଟା ଛିଡା ହେବାକୁ ପଡ଼ିବନି । ଘରେ ବସି ମୋବାଇଲରେ ସାର୍ଟିଫିକେଟ ପାଇଁ ଆବେଦନ କରିହେବ ।
ଏଥିପାଇଁ ଆସନ୍ତା ଏପ୍ରିଲ ମାସରେ ଏକ ସ୍ୱତନ୍ତ୍ର ଆପ ଉନ୍ମୋଚନ କରିବାକୁ ଯାଉଛି ରାଜସ୍ୱ ବିଭାଗ । ମୋବାଇଲେ କେଉଁ ବ୍ୟକ୍ତି, କେଉଁ ସମୟ, କେଉଁଠାରୁ ଓ କେଉଁ ଯୋଜନା ପାଇଁ ଆବେଦନ କଲେ ସମସ୍ତ ତଥ୍ୟ ପଞ୍ଜିକୃତ ହେବ । କେଉଁ ସାର୍ଟିଫିକେଟ କେତେ ସମୟରେ ମିଳିବ ସେଥିପାଇଁ ସମୟ ଧାର୍ଯ୍ୟ ହେବ । ନିର୍ଦ୍ଦିଷ୍ଟ ସମୟରେ ସାର୍ଟିଫିକେଟ ନମିଳିଲେ ରାଜସ୍ୱ ବିଭାଗକୁ ସୂଚନା ଆସିଯିବ । ଏନେଇ ସୂଚନା ଦେଇଛନ୍ତି ରାଜସ୍ବମନ୍ତ୍ରୀ ସୁରେଶ ପୂଜାରୀ ।