ଭୁବନେଶ୍ୱର (ଆମ ଟିଭି): ମଶାଣୀ କ୍ରିକେଟ କ୍ଲବ ଦ୍ୱାରା ପୁରୁଣା ଭୁବନେଶ୍ୱର ଠାରେ ରବୀନ୍ଦ୍ର କୁମାର ବେହେରାଙ୍କ (ଚତୁର୍ଥ ବର୍ଷ) ସ୍ମୃତି ଉଦ୍ଦେଶ୍ୟରେ ୩ ଦିନିଆ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଥିଲା କ୍ଷ ଉଦଘାଟନୀ ଉତ୍ସବ ରେ ଶ୍ରୀଯୁକ୍ତ ଶ୍ରୀବାଶ ଜେନା, ଶ୍ରୀ ଗୁରୁକୁଳମ ସ୍କୁଲ ର ଅଧ୍ୟକ୍ଷ ଶ୍ରୀଯୁକ୍ତ ରାଜେନ୍ଦ୍ର ପତି, ଦର୍ଶନ ମସଲାର ମ୍ୟାନେଜିଙ୍ଗ ଡାଇରେକ୍ଟର ଶ୍ରୀଯୁକ୍ତ ବିନୟ ପାତ୍ର, ଶ୍ରୀଯୁକ୍ତ ଶିବ ପ୍ରସାଦ ବେହେରା (କର୍ପୋରେଟର ୱାର୍ଡ ନମ୍ବର ୫୪) ମୁଖ୍ୟ ଅତିଥି ଭାବେ ଏବଂ ଶ୍ରୀଯୁକ୍ତ ଜୁବୁଲି ଦାସ (ଜୁବୁଲି କ୍ରିଏସନ), ମିଡ଼ିଆ ପ୍ଲାନର ମୁଖ୍ୟ ପ୍ରଣୟ ଜେଠୀ, ଟୁଲିଆ ଗରାବଡୁ, ସବ୍ୟସାଚୀ ଘଡେଇ, କାଳିଆ ଭାଇନା ସମ୍ମାନିତ ଅତିଥି ଭାବେ ଯୋଗଦେଇଥିଲେ ।
ଚଳିତ ବର୍ଷ ସମୁଦାୟ ୫ ଟି ଦଳ ଟୁର୍ଣ୍ଣାମେଣ୍ଟରେ ଭାଗ ନେଇଥିଲେ । ଫାଇନାଲ ମ୍ୟାଚ ମଶାଣୀ କିଙ୍ଗ ଏବଂ ମଶାଣୀ ଗ୍ଲାଡିଏଟର୍ସ ମଧ୍ୟରେ ହୋଇଥିଲା । ମଶାଣୀ ଗ୍ଲାଡିଏଟର୍ସ ଚଳିତ ବର୍ଷ ର ଚମ୍ପିୟାନ ହୋଇଥିଲା । ଉଦଯାପନୀ ଦିନ ଚମ୍ପିୟାନ ଦଳକୁ ମୁଖ୍ୟ ଅତିଥି ଶ୍ରୀଯୁକ୍ତ ପ୍ରଣୟ ଜେଠୀ ଟ୍ରଫି ପ୍ରଦାନ କରିଥିଲେ । ଉଦଯାପନୀ ଉତ୍ସବ ରେ ଓଲିଉଡ଼ ର କଳାକାର ମାନଙ୍କ ଦ୍ୱାରା ବିଭିନ୍ନ ନାଚ ଗୀତ ମାଧ୍ୟମରେ ରଙ୍ଗା ରଙ୍ଗ କାର୍ୟ୍ୟକ୍ରମ ହୋଇଥିଲା । ଅଞ୍ଚଳବାସୀ ମନଭରି ଉପଭୋଗ କରିଥିଲେ କ୍ଷ ଏ ସମସ୍ତ କାର୍ୟ୍ୟକ୍ରମ ଶ୍ରୀ ସୁଧାଂଶୁ ଆଚାର୍ୟ୍ୟ (ରାଜା)ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ହୋଇଥିଲା । ମଶାଣୀ କ୍ରିକେଟ କ୍ଲବ ଦ୍ୱାରା ଆୟୋଜିତ ଏଇ ସୁନ୍ଦର ପଦକ୍ଷେପ ପାଇଁ ଅଞ୍ଚଳବାସୀ ବହୁତ ପ୍ରଶଂସା କରିଥିଲେ । ଏହା ଦ୍ୱାରା ଭାଇଚାରା ସୃଷ୍ଟି ହୋଇପାରୁଛି ବୋଲି ଆୟୋଜକ ତଥା ଅଞ୍ଚଳବାସୀ ମତ ପ୍ରକାଶ କରିଥିଲେ ।