ଏଣିକି ଫ୍ରିଜ୍ ପାଣି ନୁହେଁ, ମାଟି ହାଣ୍ଡି ପାଣି ପିଅନ୍ତୁ ,ଖରାଦିନେ ରହିବେ ସୁସ୍ଥ
ଆସିଲାଣି ଗ୍ରୀଷ୍ମ ଋତୁ।ଏହି ସମୟରେ ଗରମରୁ ରକ୍ଷା ପାଇବା ପାଇଁ ଆମେ ସାଧାରଣତଃ ଫ୍ରିଜ୍ର ଥଣ୍ଡା ପାଣି ପିଉଥାଉ । କିନ୍ତୁ ଅତ୍ୟଧିକ ଥଣ୍ଡା ପାଣି ଶରୀର ପାଇଁ ସବୁବେଳେ ଭଲ ନୁହେଁ । ପୁରୁଣା ଦିନରେ ଲୋକମାନେ ମାଟି ହାଣ୍ଡି (ମଟକା)ରେ ପାଣି ରଖି ପିଉଥିଲେ, ଯାହା ସ୍ୱାସ୍ଥ୍ୟ ପାଇଁ ବେଶ ଉପକାରୀ ବୋଲି ଧରାଯାଏ ।
*ଆସନ୍ତୁ ଜାଣିବା ଫ୍ରିଜ୍ ପାଣିର କ୍ଷତି ଓ ମାଟି ହାଣ୍ଡି ପାଣିର ଲାଭ ବିଷୟରେ*
*ଫ୍ରିଜ୍ ପାଣି ପିଇବାର କ୍ଷତି*
୧) ଗଳା ବିନ୍ଧା ଓ ସର୍ଦି-କାଶ
ଅତ୍ୟଧିକ ଥଣ୍ଡା ପାଣି ଗଳାର ମାଂସପେଶୀକୁ ସଙ୍କୁଚିତ କରିଦେଇପାରେ । ଯାହାରେ ଗଳା ବିନ୍ଧା, କାଶ, ଛିଙ୍କ ଇତ୍ୟାଦି ସମସ୍ୟା ହୋଇପାରେ । ସ୍ବାସରୋଗୀମାନେ ବିଶେଷ ସାବଧାନ ରହିବା ଉଚିତ୍ ।
୨) ହଜମ ପ୍ରକ୍ରିୟା ଧୀର ହେବା
ଖାଦ୍ୟ ପରେ ବହୁତ ଥଣ୍ଡା ପାଣି ପିଲେ ହଜମ ପ୍ରକ୍ରିୟା କମଜୋର ହୋଇପାରେ । ଏହା ଖାଦ୍ୟରେ ଥିବା ଚର୍ବିକୁ କଠିନ କରି ହଜମକୁ ଧୀର କରିପାରେ ।
୩) କଫ ସମସ୍ୟା
ଅତ୍ୟଧିକ ଥଣ୍ଡା ପାଣି ଛାତିରେ କଫ ଜମାଟ ବାନ୍ଧିବାର ସମ୍ଭାବନା ବଢ଼ାଇଦେଇପାରେ । ଏହାରେ ଶ୍ୱାସ ନେବାରେ ଅସୁବିଧା ହୋଇପାରେ ।
*ମାଟି ହାଣ୍ଡିର ପାଣି ପିଇବାର ଲାଭ*
୧) ପ୍ରାକୃତିକ ଭାବେ ଥଣ୍ଡା
ମାଟି ହାଣ୍ଡିର ପାଣି ଅତ୍ୟଧିକ ଥଣ୍ଡା ନୁହେଁ, କିନ୍ତୁ ପ୍ରାକୃତିକ ଭାବରେ ସମ୍ୟକ୍ ଥଣ୍ଡା ରହେ । ଏହା ଶରୀରକୁ ଧୀରେ ଧୀରେ ଶିତଳତା ଦେଇଥାଏ ।
୨) pH ସନ୍ତୁଳନ
ମାଟିର କ୍ଷରୀୟ ପ୍ରକୃତି ପାଣିର pH ସ୍ତରକୁ ସନ୍ତୁଳିତ ରଖିବାରେ ସାହାଯ୍ୟ କରେ । ପ୍ଲାଷ୍ଟିକ ବୋତଲ ତୁଳନାରେ ଏହା ଅଧିକ ସୁରକ୍ଷିତ ।
୩) ସ୍ୱାଦ ଉନ୍ନତ
ମାଟି ହାଣ୍ଡିରେ ରଖା ପାଣିର ଗନ୍ଧ ଓ ସ୍ୱାଦ ପ୍ରାକୃତିକ ଭାବରେ ଭଲ ଲାଗେ । ଏହା ଶରୀରକୁ ତାଜା ଅନୁଭବ ଦେଇଥାଏ ।
ଖରାଦିନେ ଶରୀରକୁ ସୁସ୍ଥ ଓ ସୁରକ୍ଷିତ ରଖିବା ପାଇଁ ମାଟି ହାଣ୍ଡିର ପାଣି ଅତ୍ୟନ୍ତ ଉପକାରୀ । ଏହା ପ୍ରାକୃତିକ, ସ୍ୱାସ୍ଥ୍ୟକର ଓ ପରିବେଶବାନ୍ଧବ । ତେଣୁ ଆଜିଠାରୁ ଫ୍ରିଜ୍ ପାଣିର ବଦଳରେ ମାଟି ହାଣ୍ଡିର ପାଣି ପିବାର ଅଭ୍ୟାସ ଗଢ଼ନ୍ତୁ ଏବଂ ନିଜ ସ୍ୱାସ୍ଥ୍ୟକୁ ରକ୍ଷା କରନ୍ତୁ ।