ପ୍ରତିକ୍ଷୀତ ୱେବ୍ ସିରିଜ୍ ଗ୍ୟାଙ୍ଗସ୍ ଅଫ୍ ପୁରୀ ସିଜନ ୨ର ମହୁରତ ଅନୁଷ୍ଠିତ*

ଏକ ଦର୍ଶନୀୟ ନୂଆ ଅଧ୍ୟାୟ ଉପରୁ ପରଦା ଉଠିଛି ଆଜି ଗ୍ୟାଙ୍ଗସ୍ ଅଫ୍ ପୁରୀର ସିଜନ ୨ ମହୁରତ ଉତ୍ସବରେ ଯାହା ଭୁବନେଶ୍ୱର ସିଆରପି ଛକସ୍ଥିତ ଶ୍ରୀ ସଙ୍କଟମୋଚନ ହନୁମାନ ମନ୍ଦିରରେ ଅନୁଷ୍ଠିତ ହୋଇଯାଇଛି। ଟେକ୍ନୋଆର୍ଟ ପ୍ରଡକ୍ସନ୍ ପ୍ରାଇଭେଟ୍ ଲିମିଟେଡ୍ ଦ୍ୱାରା ନିର୍ମିତ ଏହି ବହୁ ପ୍ରତୀକ୍ଷିତ ସିକ୍ୱେଲର ପ୍ରିମିୟର୍ ସ୍ୱତନ୍ତ୍ର ଭାବେ କଞ୍ଚା ଲଙ୍କା ଓଟିଟିରେ ହେବାକୁ ଯାଉଛି।

ଦୂରଦ୍ରଷ୍ଟା ଚଳଚ୍ଚିତ୍ର ନିର୍ମାତା ଅନୁପମ ପଟ୍ଟନାୟକଙ୍କ ନିର୍ଦ୍ଦେଶିତ ‘ଗ୍ୟାଙ୍ଗସ୍ ଅଫ୍ ପୁରୀ’ର ଦ୍ୱିତୀୟ ସିଜିନ୍ ‘ଗ୍ୟାଙ୍ଗସ୍ ଅଫ୍ ପୁରୀ’ର: ସିଜିନ୍ ୧ କାହାଣୀକୁ ସମୃଦ୍ଧ କରିବ। ପ୍ରଥମ ସିଜିନ ଓଡ଼ିଶାର ଉପକୂଳବର୍ତ୍ତୀ ଅଂଚଳର କ୍ଷମତାର ସଙ୍ଘର୍ଷ, ଜଟିଳ ପ୍ରତିଦ୍ୱନ୍ଦ୍ୱିତା ଏବଂ ଅନ୍ଧକାରରେ ଥିବା ରହସ୍ୟକୁ ଅନୁଧ୍ୟାନ କରିଥିବା ବାସ୍ତବବାଦୀ କାହାଣୀ, ଚମତ୍କାର ଅଭିନୟ ଏବଂ ଚିତ୍ତାକର୍ଷକ ଚିତ୍ରଗ୍ରହଣ ପାଇଁ ସମାଲୋଚିତ ହୋଇଥିଲା। ପୁରୀର ଜଟିଳ ସାମାଜିକ-ରାଜନୈତିକ ଦୃଶ୍ୟପଟର ପ୍ରାମାଣିକ ଚିତ୍ରଣ ପାଇଁ ଏହା ଦର୍ଶକ ଓ ସମାଲୋଚକଙ୍କ ପ୍ରଶଂସା ସାଉଁଟିବା ସହ ଓଡ଼ିଆ ବିଷୟବସ୍ତୁ ଶିଳ୍ପରେ ଏକ ଯୁଗାନ୍ତକାରୀ ରୂପରେ ଉଭା ହୋଇଥିଲା।

“ଏଭଳି ଏକ ଶୁଭ ସୂଚନାରେ ଗ୍ୟାଙ୍ଗସ୍ ଅଫ୍ ପୁରୀର ସିଜିନ୍ ୨ ଆରମ୍ଭ କରି ଆମେ ବେଶ୍ ରୋମାଞ୍ଚିତ। ପ୍ରଥମ ସିଜିନକୁ ମିଳିଥିବା ଜବରଦସ୍ତ ପ୍ରତିକ୍ରିୟା ଆମକୁ କାହାଣୀ, ଭିଜୁଆଲ ଏବଂ ନାଟକରେ ଆହୁରି ଆଗକୁ ବଢାଇବାକୁ ପ୍ରେରଣା ଦେଇଛିI” ବୋଲି ନିର୍ଦ୍ଦେଶକ ଅନୁପମ ପଟ୍ଟନାୟକ କହିଛନ୍ତି। “ଏହି ଧାରାବାହିକର ସୁଟିଂ ୧୧ ଡିସେମ୍ବର ୨୦୨୪ରୁ ଆରମ୍ଭ ହେବ ଏବଂ ମାର୍ଚ୍ଚ ୨୦୨୫ ସୁଦ୍ଧା ଷ୍ଟ୍ରିମିଂ ହେବI” ବୋଲି ଆଶା କରାଯାଉଛି ବୋଲି ଟେକ୍ନୋଆର୍ଟ ପ୍ରଡକ୍ସନ୍ ପ୍ରାଇଭେଟ୍ ଲିମିଟେଡର ନିର୍ଦ୍ଦେଶକ ବର୍ଷା ପଟ୍ଟନାୟକ କହିଛନ୍ତି।

ଏହି କାର୍ଯ୍ୟକ୍ରମକୁ ସଂଯୋଜନା କରିଥିଲେ କଞ୍ଚା ଲଙ୍କା ଅଧ୍ୟକ୍ଷ ଅକ୍ଷୟ କୁମାର ପରିଜା, ନିର୍ଦ୍ଦେଶକ ଅନୁପମ ପଟ୍ଟନାୟକ, ପ୍ରଯୋଜକ ବର୍ଷା ପଟ୍ଟନାୟକ ଏବଂ ସିଜନ ୧ରେ ଅଭିନୟ କରିଥିବା କଳାକାର ଯଥା ଚୌଧୁରୀ ଜୟପ୍ରକାଶ ଦାସ, ରବି ନାରାୟଣ ମିଶ୍ର, କେକେ ଓରଫ ବାବୁ ଜେନା, ଅମନ, ହର ରଥ, ଗେଡାନାI ସିଜନ ୨ ପାଇଁ ଦଳରେ ଯୋଡି ହେଇଛନ୍ତି ଦୀପାନ୍ବିତ ଦାସମହାପାତ୍ର, ନିଶାନ୍ତ ମଜିଠିଆ, ସୋମା ହୋତା, ପ୍ରିୟମ୍ବଦା ଓ ମନ୍ମୟ ଦେ।

ପ୍ରଥମ ସିଜନର ସଫଳତା ଉପରେ ଆଲୋକପାତ କରି ଅଧ୍ୟକ୍ଷ ଅକ୍ଷୟ କୁମାର ପରିଜା କହିଥିଲେ ଯେ, “ଗ୍ୟାଙ୍ଗସ୍ ଅଫ୍ ପୁରୀ ଏହାର ଆଞ୍ଚଳିକ ସଂସ୍କୃତିର ପ୍ରାମାଣିକ ଚିତ୍ରଣ ସହିତ ଓଡ଼ିଆ ଡିଜିଟାଲ ବିଷୟବସ୍ତୁ ପାଇଁ ଏକ ମାନଦଣ୍ଡ ସ୍ଥାପନ କରିଛି। ସିଜିନ୍-୨ ଅଧିକ ତୀବ୍ର ଡ୍ରାମା ଓ ଷ୍ଟାର୍ ପରଫରମାନ୍ସ ସହ ଓଡ଼ିଆ ଗଳ୍ପକୁ ବିଶ୍ୱସ୍ତରରେ ପହଞ୍ଚାଇବା ପାଇଁ କଞ୍ଚା ଲଙ୍କାରେ ଆମର ପ୍ରତିବଦ୍ଧତାକୁ ପ୍ରଦର୍ଶିତ କରିବI”

ଧାରାବାହିକର ପ୍ରଶଂସକମାନେ ସିଜିନ-୨ରେ ଗଭୀର ରହସ୍ୟକୁ ଉନ୍ମୋଚନ କରିବା, ଚରିତ୍ରମାନଙ୍କ ନୂତନ ମେଣ୍ଟ ଏବଂ ବିଶ୍ୱାସଘାତକତାକୁ ସାମ୍ନା କରିବା ଏବଂ ହାଇ-ଆକ୍ସନ ଡ୍ରାମା ଅନୁଭବ କରିବାକୁ ଅପେକ୍ଷା କରିପାରିବେ। ପସନ୍ଦର ପୁରୁଣା ଚରିତ୍ର ଏବଂ କୌତୁହଳପୂର୍ଣ୍ଣ ନୂଆ ଚରିତ୍ରର ମିଶ୍ରଣ ସହିତ, ଏହି ଅଧ୍ୟାୟ ଦର୍ଶକଙ୍କୁ ଆରମ୍ଭରୁ ଶେଷ ପର୍ଯ୍ୟନ୍ତ ବାନ୍ଧି ରଖିବାକୁ ପ୍ରତିଶୃତି ଦେଇଛି।

ଏହି ମହୁରତ ଉତ୍ସବରେ ସିଜିନ-୨ର ସଫଳତା ପାଇଁ ଆଶୀର୍ବାଦ ଭିକ୍ଷା କରିବା ପାଇଁ ଏକ ପାରମ୍ପରିକ ପୂଜାର ଆୟୋଜନ କରାଯାଇଥିଲା। ଏହା ପରେ ଦଳ ସହିତ ଏକ ହୃଦୟସ୍ପର୍ଶୀ ଭାବ ବିନିମୟ କରାଯାଇଥିଲା। ଏହି ଅବସରରେ ସମସ୍ତେ ନିଜର ଉତ୍ସାହ ଓ କୃତଜ୍ଞତା ପ୍ରକାଶ କରିଥିଲେ।

ଏକ୍ସକ୍ଲୁସିଭ୍ ପ୍ରଥମ ଲୁକ୍, ଟ୍ରେଲର୍, ଏବଂ ବହୁ ପ୍ରତୀକ୍ଷିତ ଗ୍ୟାଙ୍ଗସ୍ ଅଫ୍ ପୁରୀର ସିଜନ-୨ର ରିଲିଜ୍ ତାରିଖ ସହିତ ଅଧିକ ବିବରଣୀ ଉନ୍ମୋଚନ ପାଇଁ ନିଶ୍ଚିତ ରୁହନ୍ତୁ।

କଞ୍ଚା ଲଙ୍କା ବିଷୟରେ:

କଞ୍ଚା ଲଙ୍କା ଓଡ଼ିଶାର ଅଗ୍ରଣୀ, ଓଡ଼ିଆ ମନୋରଞ୍ଜନଭିତ୍ତିକ ଓଟିଟି ପ୍ଳାଟଫର୍ମ l ବିଶ୍ଵବ୍ୟାପୀ ଦର୍ଶକମାନଙ୍କୁ ଉଚ୍ଚ ମାନର ଓଡ଼ିଆ କଣ୍ଟେଣ୍ଟ ପରଷିବା ପାଇଁ ସମର୍ପିତ l କଞ୍ଚାଲଙ୍କା ସବୁବେଳେ ନିଜ ଆଂଚଳିକ ଓ ମୌଳିକ କାହାଣୀକୁ ଗୁରୁତ୍ବ ଦେଇ ଆସୁଛି ଓ ଆଗକୁ ମଧ୍ୟ ଏହି ଧାରା ଜାରି ରହିବ।

ସିନେମା, ୱେବ ସିରିଜ, କ୍ରୀଡା ତଥା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ପରି ବିବିଧ ବିକଳ୍ପ ପାଇଁ ଏକ ପ୍ରମୁଖ ମାଧ୍ୟମ ‘ କଞ୍ଚା ଲଙ୍କା ‘l ଓଡ଼ିଶାର ସମୃଦ୍ଧ ସଂସ୍କୃତିର ମହୋତ୍ସବ ‘ କଞ୍ଚା ଲଙ୍କା’ l