୨୦୨୬ ମସିହା ଅପେକ୍ଷା ଅଧିକ ବିପଜ୍ଜନକ କି ୨୦୨୭ ?

ଗତ କିଛି ବର୍ଷ ଧରି ଦୁନିଆ ଅନେକ ଉତ୍ଥାନ-ପତନ ଦେଖିଛି । ୨୦୨୦ ମସିହାର ଆରମ୍ଭ ଲକଡାଉନରୁ ହୋଇଥିଲା, ଯାହା ଲୋକଙ୍କ ଜୀବନକୁ ସଂପୂର୍ଣ୍ଣ ବଦଳାଇ ଦେଇଥିଲା । ଏହାପରେ ୨୦୨୧ରେ କରୋନାର ଦ୍ୱିତୀୟ ଲହର ଆସିଥିଲା, ଯେଉଁଥିରେ ଭାରତରେ ବହୁ ସଂଖ୍ୟାରେ ଲୋକଙ୍କ ଜୀବନ ନେଇଥିଲା । ୨୦୨୨ ମସିହାରେ ଦୁନିଆର ଧ୍ୟାନ ରୁଷ ଏବଂ ୟୁକ୍ରେନ ମଧ୍ୟରେ ଆରମ୍ଭ ହୋଇଥିବା ଯୁଦ୍ଧ ଆଡ଼କୁ ଗଲା, ଯାହା ବୈଶ୍ୱିକ ସ୍ତରରେ ଉତ୍ତେଜନା ବଢ଼ାଇଦେଲା । ସେହିପରି ୨୦୨୩, ଅକ୍ଟୋବର ୭ରେ ହମାସ ଦ୍ୱାରା ଇସ୍ରାଏଲ ଉପରେ କରାଯାଇଥିବା ଆକ୍ରମଣ ପରେ ଅନେକ ଦେଶରେ ହିଂସା ଏବଂ ଅସ୍ଥିରତାର ପରିବେଶ ଦେଖିବାକୁ ମିଳିଲା ।

ବର୍ଷ ୨୦୨୪ ମଧ୍ୟ ଘଟଣାବଳୀରେ ପରିପୂର୍ଣ୍ଣ ଥିଲା । ଭାରତ ଏବଂ ଆମେରିକାରେ ବଡ଼ ନିର୍ବାଚନ ହେଲା, ଜାପାନରେ ୭.୬ ତୀବ୍ରତାର ଭୂକମ୍ପ ଆସିଲା ଏବଂ ରୁଷ-ୟୁକ୍ରେନ ସହିତ ଇସ୍ରାଏଲ-ହମାସର ସଂଘର୍ଷ ଆହୁରି ତୀବ୍ର ହୋଇଗଲା । ୨୦୨୫ ମସିହାରେ ମଧ୍ୟ ପରିସ୍ଥିତି ଶାନ୍ତ ନଥିଲା । ମହାକୁମ୍ଭ ମେଳା ଭଳି ବଡ଼ ଧାର୍ମିକ ଆୟୋଜନ ମଧ୍ୟରେ ଇରାନ୍-ଇସ୍ରାଏଲ ଉତ୍ତେଜନା, ପହଲଗାମରେ ଆତଙ୍କବାଦୀ ଆକ୍ରମଣ, ଅପରେସନ୍ ସିନ୍ଦୂର ଏବଂ ଅହମ୍ମଦାବାଦର ପ୍ଲେନ୍ ଦୁର୍ଘଟଣା ଭଳି ଘଟଣା ଖବର ଶିରୋନାମାରେ ରହିଲା । ଏହାପରେ ୨୦୨୬ରେ ମିଡିଲ ଇଷ୍ଟର ସଂଘର୍ଷ ଆହୁରି ଗଭୀର ହେଲା, ରୁଷ-ୟୁକ୍ରେନ ଯୁଦ୍ଧ ଜାରି ରହିଲା ଏବଂ ହର୍ମୁଜ୍ ସଙ୍କଟ ଯୋଗୁଁ ସମସ୍ୟା ବଢ଼ୁଥିବାର ଦେଖାଗଲା । ଏହି ପରିବର୍ତ୍ତିତ ପରିସ୍ଥିତି ମଧ୍ୟରେ ଜ୍ୟୋତିଷମାନଙ୍କ ମତ ଯେ ୨୦୨୭ ଏକ ଗୁରୁତ୍ୱପୂର୍ଣ୍ଣ ମୋଡ଼ ସାବ୍ୟସ୍ତ ହୋଇପାରେ ।

ଲୋକଙ୍କ ଉପରେ ବଢ଼ୁଥିବା ଚାପ

କିଛି ବର୍ଷ ମଧ୍ୟରେ ଦୁନିଆ ଗୋଟିଏ ପରେ ଗୋଟିଏ କଠିନ ସମୟ ଦେଖିଛି । ମହାମାରୀ ପରେ ଆଶା ଥିଲା ଯେ ପରିସ୍ଥିତି ସାଧାରଣ ହେବ, କିନ୍ତୁ ଏହାର ବିପରୀତରେ ଅନେକ ସ୍ଥାନରେ ଯୁଦ୍ଧ ଏବଂ ଉତ୍ତେଜନା ବଢ଼ିବାରେ ଲାଗିଲା । ଏହାର ସିଧାସଳଖ ପ୍ରଭାବ ସାଧାରଣ ଜନତାଙ୍କ ଉପରେ ପଡ଼ିଛି । ବିଶେଷ କରି ମଧ୍ୟମ ବର୍ଗର ଲୋକ ମୁଦ୍ରାସ୍ଫୀତି, ବେକାରୀ ଏବଂ ଅସ୍ଥିରତା ସହିତ ଲଢ଼ୁଛନ୍ତି । ଅନେକ ଦେଶରେ ପରିସ୍ଥିତି ଏତେ ବିଗିଡ଼ିଗଲା ଯେ ହିଂସା ମାଧ୍ୟମରେ ସତ୍ତା ପରିବର୍ତ୍ତନ ପର୍ଯ୍ୟନ୍ତ ଦେଖିବାକୁ ମିଳିଲା, ଯାହାଦ୍ୱାରା ଲୋକଙ୍କ ଚିନ୍ତା ଆହୁରି ବଢ଼ିଯାଇଛି।

ଦୁନିଆରେ ବଢ଼ୁଥିବା ସଂଘର୍ଷ ଏବଂ ଅସ୍ଥିରତା

ସେହିପରି ଅନ୍ତର୍ଜାତୀୟ ସ୍ତରରେ ମଧ୍ୟ ସ୍ଥିତି ଅଧିକ ସ୍ଥିର ଜଣାପଡ଼ୁନାହିଁ । ଆମେରାକ-ଇରାନ ଏବଂ ରୁଷ-ୟୁକ୍ରେନ ଭଳି ସଂଘର୍ଷ ମଧ୍ୟରେ ବିଶେଷଜ୍ଞଙ୍କ ଆଶଂକା ଯେ ଆଗାମୀ ସମୟରେ ବଡ଼ ଦେଶଗୁଡ଼ିକ ସିଧାସଳଖ ମୁହାଁମୁହିଁ ହୋଇପାରନ୍ତି । ଏପରିକି କିଛି ଜଣଙ୍କ ମତ ଯେ, ୨୦୨୬ ଶେଷ ସୁଦ୍ଧା ଅନେକ ଦେଶର ରାଜନୀତିରେ ହଠାତ୍ ଏବଂ ବଡ଼ ପରିବର୍ତ୍ତନ ହୋଇପାରେ ।

ଏହା ବ୍ୟତୀତ, କେତେକ ରିପୋର୍ଟରେ ଏହା ମଧ୍ୟ ଆଶଙ୍କା ପ୍ରକାଶ କରାଯାଇଛି ଯେ ଆଗାମୀ ବର୍ଷଗୁଡ଼ିକରେ କୌଣସି ନୂଆ ଏବଂ ବିପଜ୍ଜନକ ରୋଗ ବ୍ୟାପିପାରେ, ଯାହା ପୂର୍ବ ଅପେକ୍ଷା ଅଧିକ ଗମ୍ଭୀର ସାବ୍ୟସ୍ତ ହୋଇପାରେ ।