ଦଳ ନୁହେଁ, ଓଡ଼ିଶା ପାଇଁ ଠିଆ ହୁଅନ୍ତୁ’.. ବିଜେପି ସାଂସଦଙ୍କୁ ଚିଠି ଲେଖିଲେ ନବୀନ ପଟ୍ଟନାୟକ

ବିଜେପି ସାଂସଦଙ୍କୁ ଚିଠି ଲେଖିଲେ ବିରୋଧୀ ଦଳ ନେତା । ଓଡ଼ିଶାର ସମସ୍ତ ବିଜେପି ସାଂସଦମାନଙ୍କୁ ଚିଠି ଲେଖିଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ । MMDR ବିଲକୁ ନେଇ ଚିଠି ଲେଖିଛନ୍ତି ବିରୋଧୀ ଦଳ ନେତା ।

ଚିଠିରେ ନବୀନ ଉଲ୍ଲେଖ କରିଛନ୍ତି ଯେ, ଓଡ଼ିଶାର ଖଣିଜ ସମ୍ପଦ ଉପରେ ରାଜ୍ୟର ଅଧିକାର ଛଡ଼ାଇ ନିଆଯାଇଛି । MMDR ସଂଶୋଧନ ପ୍ରତ୍ୟାହାର ପାଇଁ ବିଜେପି ସାଂସଦମାନେ ଦାବି କରନ୍ତୁ । ଆଗାମୀ ପିଢି ପାଇଁ ଏହି ଆଇନର ପରିଣାମ ବିଷୟରେ ଥରେ ଚିନ୍ତା କରନ୍ତୁ । ଅଗଷ୍ଟ ୧୩ରେ ଲୋକସଭାରେ MMDR ସଂଶୋଧନ ବିଲ୍ ପାସ୍ ହେବା ଓଡ଼ିଶା ପାଇଁ କଳା ଦିନ l ଏହାଦ୍ୱାରା ଓଡ଼ିଶାର ବାର୍ଷିକ ୧୨ ହଜାର କୋଟିରୁ ଅଧିକ ଟଙ୍କାର କ୍ଷତି ହେବ । ବର୍ତ୍ତମାନ ‘ଦଳ ପାଇଁ ନୁହେଁ, ଓଡ଼ିଶା ପାଇଁ ଠିଆ ହୁଅନ୍ତୁ’। ଓଡ଼ିଶାର କ୍ଷମତାକୁ ପୁନଃସ୍ଥାପନ ପାଇଁ ସାଂସଦମାନେ ସଂସଦରେ ସ୍ୱର ଉଠାନ୍ତୁ ।