ଜୟପୁର : ରାଜସ୍ଥାନ ଜୟପୁରରେ ଏକ ପ୍ରତିବାଦ ସମୟରେ କକରୋଚ ଜନତା ପାର୍ଟିର ପ୍ରତିଷ୍ଠାତା ଅଭିଜିତ୍ ଦୀପକେଙ୍କୁ ଜଣେ ଯୁବକ ଚାପୁଡ଼ା ମାରିଛନ୍ତି । ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ଜୟପୁରରେ ଚାଲିଥିବା ପ୍ରତିବାଦ ସମୟରେ ଏହି ଘଟଣା ଘଟିଥିଲା ।
ଖବର ମୁତାବକ, ସୋମବାର ଦିନ ଜୟପୁରର ସହିଦ ସ୍ମାରକୀରେ କୋକରୋଚ ଜନତା ପାର୍ଟିର କର୍ମୀମାନେ ପ୍ରତିବାଦ କରୁଥିଲେ । ଏହି ସମୟରେ ଦଳର ପ୍ରତିଷ୍ଠାତା ଅଭିଜିତ୍ ଦୀପକେ ସଭାସ୍ଥଳରେ ପହଞ୍ଚିଲେ । ସେ ପ୍ରବେଶ କରିବା ମାତ୍ରେ ଜଣେ ଯୁବକ ଅଭିଜିତଙ୍କ ବେକରେ ଥିବା ଗାମୁଛାକୁ ଭିଡ଼ି ଚାପୁଡ଼ା ମାରି ପଳାଇଗଲେ। ଏହି ସମୟରେ ସିଜେଆଇ ସମର୍ଥକମାନେ ଯୁବକଙ୍କୁ ଧରିବାକୁ ଚେଷ୍ଟା କରିଥିଲେ, କିନ୍ତୁ ତାଙ୍କୁ ଧରି ପାରିନଥିଲେ ।
ଏହି ଘଟଣା ପରେ କର୍ମୀଙ୍କ ମଧ୍ୟରେ କ୍ରୋଧ ଦେଖିବାକୁ ମିଳିଥିଲା । ଅଭିଜିତ ଲୋକମାନଙ୍କୁ ଶାନ୍ତି ବଜାୟ ରଖିବାକୁ ଅନୁରୋଧ କରିଥିଲେ । ପୋଲିସ ଏବେ ଅଭିଯୁକ୍ତ ଯୁବକଙ୍କୁ ଖୋଜୁଛି ।