EPF ଉପରେ ମୋଦୀ ସରକାରଙ୍କ ବଡ଼ ନିଷ୍ପତ୍ତି, ଦରମା ସୀମା ୧୫,୦୦୦ ଟଙ୍କାରୁ ୨୫,୦୦୦ ଟଙ୍କାକୁ ବୃଦ୍ଧି

ନୂଆଦିଲ୍ଲୀ : ଇପିଏଫଓକୁ ନେଇ ଆସିଲା ବଡ ଖବର। ବୁଧବାର ଦିନ କେନ୍ଦ୍ର କ୍ୟାବିନେଟ କର୍ମଚାରୀ ଭବିଷ୍ୟନିଧି ପାଣ୍ଠି ସଂଗଠନ ( ଇପିଏଫଓ) ଅଧୀନରେ ବାଧ୍ୟତାମୂଳକ କଭରେଜ୍ ପାଇଁ ଦରମା ସୀମା ବୃଦ୍ଧି କରିବା ପ୍ରସ୍ତାବକୁ ମଞ୍ଜୁରୀ ଦେଇଛି। ପ୍ରତି ମାସରେ ପିଏଫ କାଟିବା ପାଇଁ ଏକ ନୂତନ ସୀମା ୨୫,୦୦୦ କରିବାକୁ ନିଷ୍ପତ୍ତି ନିଆଯାଇଛି, ଯାହା ପ୍ରାୟ ୫.୧ ନିୟୁତ କର୍ମଚାରୀଙ୍କୁ ଲାଭ ଦେବ। ଏଥିରେ ଭାରତ ସରକାରଙ୍କ ପାଇଁ ବାର୍ଷିକ ବ୍ୟୟ ପ୍ରାୟ ୧୧,୩୩୯ କୋଟି ହେବ।

ବିଶ୍ୱକର୍ମା ଜୟନ୍ତୀ ଅବସରରେ, କେନ୍ଦ୍ର ସରକାର ଦେଶବ୍ୟାପୀ ଶିଳ୍ପରେ କାର୍ଯ୍ୟରତ କର୍ମଚାରୀଙ୍କ ପାଇଁ ଏକ ବଡ଼ ନିଷ୍ପତ୍ତି ନେଇଛନ୍ତି। ସରକାର ଇପିଏଫ ପାଇଁ ଦରମା ସୀମା ୧୫,୦୦୦ ରୁ ୨୫,୦୦୦କୁ ବୃଦ୍ଧି କରିଛନ୍ତି। କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି, “ବର୍ତ୍ତମାନର ପିଏଫ (ପ୍ରୋଭିଡେଣ୍ଟ ଫଣ୍ଡ) ନିୟମ ଅନୁଯାୟୀ, ଦରମା ସୀମା ୧୫,୦୦୦ ଥିଲା। ଏହି ସୀମା ୨୦୧୪ରେ ସ୍ଥିର କରାଯାଇଥିଲା ଏବଂ ସେପ୍ଟେମ୍ବର ୨୦୧୪ରେ ସଂଶୋଧିତ ହୋଇଥିଲା। ଏବେ ଆମେ ଏହାକୁ ପ୍ରତି ମାସରେ ୨୫,୦୦୦କୁ ବୃଦ୍ଧି କରିଛୁ।”