ରାଜଧାନୀର ଏକ ରେଷ୍ଟୁରାଣ୍ଟରେ ଅଭିନେତ୍ରୀଙ୍କୁ ନିର୍ଯାତନା ଅଭିଯୋଗ, ଥାନାରେ ଦେଲେ ଏତଲା

0

ଭୁବନେଶ୍ୱର: ରାଜଧାନୀର ଏକ ରେଷ୍ଟୁରାଣ୍ଟରେ ଅଭିନେତ୍ରୀଙ୍କୁ ଅସଦାଚରଣ ଓ ନିର୍ଯାତନା ଅଭିଯୋଗ । ଭୁବନେଶ୍ୱରରେ ମହିଳାଙ୍କ ସୁରକ୍ଷାକୁ ନେଇ ପୁଣିଥରେ ଏକ ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି । ଚନ୍ଦ୍ରଶେଖରପୁର ଅଞ୍ଚଳରେ ଥିବା ରେଷ୍ଟୁରାଣ୍ଟ ପରିସରରେ ଅସଦାଚରଣ ଓ ନିର୍ଯାତନା ଦିଆଯାଇଥିବା ନେଇ ସାଙ୍ଘାତିକ ଅଭିଯୋଗ ଆଣିଲେ ଅଭିନେତ୍ରୀ ।

ସବୁଠାରୁ ଆଶ୍ଚର୍ଯ୍ୟଜନକ କଥା ହେଲା, ଘଟଣା ସମୟରେ ସେଠାରେ ଉପସ୍ଥିତ ଥିବା ବାଉନ୍ସର ଏବଂ ହୋଟେଲ କର୍ତ୍ତୃପକ୍ଷ ହସ୍ତକ୍ଷେପ କରିବା ପରିବର୍ତ୍ତେ ନୀରବଦ୍ରଷ୍ଟା ସାଜି ରହିଥିଲେ । ଏନେଇ ପୀଡ଼ିତା ଥାନାରେ ଏତଲା ଦାୟର କରିବା ସହ ଅଭିଯୁକ୍ତ ଏବଂ ଅବହେଳା ପ୍ରଦର୍ଶନ କରିଥିବା କର୍ତ୍ତୃପକ୍ଷଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଦାବି କରିଛନ୍ତି ।

ଅଭିଯୋଗ ଅନୁଯାୟୀ କିଛି ଯୁବକ ତାଙ୍କୁ ଅଶ୍ଳୀଳ ଇଙ୍ଗିତ କରିବା ସହ ଅସଦାଚରଣ କରିଥିଲେ । ଅଭିନେତ୍ରୀ ଏହାର ଦୃଢ଼ ପ୍ରତିବାଦ କରିବାରୁ ପରିସ୍ଥିତି ଆହୁରି ଉତ୍ତେଜନାପୂର୍ଣ୍ଣ ହୋଇପଡ଼ିଥିଲା ଏବଂ ଯୁବକମାନେ ତାଙ୍କୁ ଦୁର୍ବ୍ୟବହାର କରିଥିଲେ । ଏଭଳି ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲେ ସୁଦ୍ଧା ରେଷ୍ଟୁରାଣ୍ଟରେ ନିୟୋଜିତ ସୁରକ୍ଷାକର୍ମୀ କିମ୍ବା ମ୍ୟାନେଜମେଣ୍ଟ ପକ୍ଷରୁ କୌଣସି ସହାୟତା ମିଳିନଥିଲା ।

ମହିଳାଙ୍କୁ ସୁରକ୍ଷା ଦେବା ପରିବର୍ତ୍ତେ ସେମାନେ ନୀରବଦ୍ରଷ୍ଟା ସାଜି ସବୁକିଛି ଦେଖୁଥିଲେ ବୋଲି ଅଭିଯୋଗ ହୋଇଛି । ଏହି ଘଟଣା ପରେ ପୀଡ଼ିତା ତୁରନ୍ତ ପୋଲିସର ଦ୍ୱାରସ୍ଥ ହୋଇ ଲିଖିତ ଅଭିଯୋଗ କରିଛନ୍ତି ।

Leave A Reply

Your email address will not be published.