ନୂଆଦିଲ୍ଲୀ (ଆମ ଟିଭି): ଇଣ୍ଡିଆନ୍ ପ୍ରିମିୟର୍ ଲିଗ୍ ୨୦୨୩ର ପୂରା ଖେଳ ସୂଚୀ ଜାରି ହୋଇଛି । ବିସିସିଆଇ ପକ୍ଷରୁ କାର୍ୟ୍ୟସୂଚୀ ଜାରି ହୋଇଛି । ଚଳିତ ଥର ଟୁର୍ଣ୍ଣାମେଣ୍ଟରେ ୧୦ଟି ଟିମ୍ ମଧ୍ୟରେ ମୋଟ୍ ୭୦ଟି ଲିଗ୍ ମ୍ୟାଚ୍ ଖେଳାଯିବ । ମେ ୨୧ରେ ଗ୍ରୁପ୍ ଷ୍ଟେଜ୍ ମ୍ୟାଚ୍ ହେବ ।
ଆଇପିଏଲର ଉଦଘାଟନୀ ମ୍ୟାଚରେ ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱାଧୀନ ଗୁଜରାଟ ଟାଇଟନ୍ସ ଓ ମହେନ୍ଦ୍ର ସିଂ ଧୋନୀଙ୍କ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ମୁକାବିଲା ହେବ । ଏହି ମ୍ୟାଚ୍ ଅହମ୍ମଦାବାଦରେ ଖେଳାଯିବ । ସେହିପରି ଫାଇନାଲ୍ ମ୍ୟାଚ୍ ମେ ୨୮ରେ ଖେଳାଯିବ ।
ଚଳିତ ଥର ଦର୍ଶକ ମାନେ ୧୮ଟି ଡବଲ୍ ହେଡର ଦେଖିବାକୁ ପାଇବେ । ଅର୍ଥାତ୍ ଗୋଟିଏ ଦିନରେ ଦୁଇଟି ମ୍ୟାଚ୍ ଖେଳାଯିବ ।
ଆଇପିଏଲ୍ ୨୦୨୩ ର ପ୍ରଥମ ୫ ମ୍ୟାଚ୍
ଚେନ୍ନାଇ ସୁପର କିଙ୍ଗସ୍ ବନାମ ଗୁଜୁରାଟ ଟାଇଟାନ୍ସ- ମାର୍ଚ୍ଚ ୩୧
ପଞ୍ଜାବ କିଙ୍ଗସ୍ ବନାମ କୋଲକାତା ନାଇଟ୍ ରାଇଡର୍ସ- ଏପ୍ରିଲ୍ ୧
ଲକ୍ଷ୍ନୌ ସୁପର ଜିଆଣ୍ଟସ୍ ବନାମ ଦିଲ୍ଲୀ କ୍ୟାପିଟାଲ୍ସ- ଏପ୍ରିଲ୍ ୧
ସନରାଇଜର୍ସ ହାଇଦ୍ରାବାଦ ବନାମ ରାଜସ୍ଥାନ ରୟାଲ୍ସ- ଏପ୍ରିଲ୍ ୨
ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବନାମ ମୁମ୍ବାଇ ଇଣ୍ଡିଆନ୍ସ- ଏପ୍ରିଲ ୨