ନୂଆଦିଲ୍ଲୀ (ଆମ ଟିଭି): ଆଇପିଏଲ ନିଲାମରେ ଟଙ୍କା ବର୍ଷା ।ଆଇପିଏଲ ମେଗା ନିଲାମରେ ଅଷ୍ଟ୍ରେଲୀୟ ଖେଳାଳିଙ୍କ ଦବଦବା । ୧୬ବର୍ଷର ଇତିହାସରେ ସମସ୍ତ ରେକର୍ଡ ଭାଙ୍ଗିଲେ ୨ଅଷ୍ଟ୍ରେଲିଆ ଖେଳାଳି । ୨୪କୋଟି ୭୫ଲକ୍ଷରେ ମିଚେଲ ଷ୍ଟାର୍କଙ୍କୁ କେକେଆର କିଣିଥିବା ବେଳେ ପ୍ୟାଟ କମିନ୍ସଙ୍କୁ ୨୦.୫୦କୋଟିରେ କିଣିଛି ଆଇପିଲଲ ଟିମ୍ ସନରାଇଜର୍ସ ହାଇଦ୍ରାବାଦ ।
ଦୁଇଜଣ ଯାକ ୨୦କୋଟିରୁ ଅଧିକ ଟଙ୍କାରେ ନିଲାମ ହୋଇଛନ୍ତି । ପ୍ରଥମେ ମୁମ୍ବାଇ ଇଣ୍ଡିଆନ୍ସ ଏବଂ ଦିଲ୍ଲୀ କ୍ୟାପିଟାଲ ମଧ୍ୟରେ ଷ୍ଟାର୍କଙ୍କୁ କିଣିବାକୁ ୯.୪ କୋଟି ଟଙ୍କାରେ ବିଡ଼ ଆରମ୍ଭ ହୋଇଥିବା ବେଳେ ପରେ ଗୁଜରାଟ ଟାଇଟନ୍ସ ଏବଂ କୋଲକାତା ନାଇଟ ରାଇର୍ଡସ ଏହି ରେସରେ ସାମିଲ ହୋଇଥିଲେ । ଶେଷରେ ୨୪କୋଟି ୭୫ଲକ୍ଷରେ ମିଚେଲ ଷ୍ଟାର୍କଙ୍କୁ ନିଜ ଟିମରେ ସାମିଲ କରିଛି କେକେଆର । ସେହିପରି କମିନ୍ସଙ୍କ ବେସ ପ୍ରାଇସ ୨କୋଟି ରହିଥିବା ଆରମ୍ଭରୁ ରୟାଲ ଚ୍ୟାଲେଂଜର୍ସ ବାଙ୍ଗାଲୋର ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ କଡା ଟକ୍କର ଦେଖିବାକୁ ମିଳିଥିଲା ।