ଭୁବନେଶ୍ୱର (ଆମ ଟିଭି): ବିଧାନସଭାରେ ଅଧୀର ଝଡ । ରାଷ୍ଟ୍ରପତିଙ୍କୁ ନେଇ ବିବାଦୀୟ ପ୍ରସଙ୍ଗ ଏବେ ବିଧାନସଭାରେ ଝଡ଼ ସୃଷ୍ଟି କରିଛି । ବିଧାନସଭାରେ ଉଠିଲା କଂଗ୍ରେସ ସାଂସଦ ଅଧୀର ରଞ୍ଜନ ଚୌଧୁରୀଙ୍କ ବିବାଦୀୟ ମନ୍ତବ୍ୟ ଝଡ଼ । କଂଗ୍ରେସ ସାଂସଦଙ୍କ ବିବାଦୀୟ ବୟାନକୁ ନେଇ ବିଧାନସଭାରେ ନାରାବାଜି କରିଛନ୍ତି ବିଜେପି ବିଧାୟକ । ପ୍ରଶ୍ନକାଳ ଆରମ୍ଭରୁ ଗୃହ ମଧ୍ୟଭାଗରେ ପ୍ଲା-କାର୍ଡ ଧରି ହୋହଲ୍ଲା କରିଛନ୍ତି ।
ହୋହଲ୍ଲା ଓ ନାରାବାଜି ଯୋଗୁଁ ଗୃହରେ ସ୍ୱାଭାବିକ ଚାଲିପାରିଲାନି ପ୍ରଶ୍ନକାଳ । ଏହାସହ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ମଧ୍ୟ ଆଲୋଚନା ହୋଇପାରିନି । ଅସ୍ୱାଭାବିକ ପରିସ୍ଥିତି ଲାଗି ରହିବାରୁ ବାଚସ୍ପତି ଅପରାହ୍ନ ୪ଟା ପର୍ୟ୍ୟନ୍ତ ଗୃହକୁ ମୁଲତବି ଘୋଷଣା କରିଛନ୍ତି । ଅପରାହ୍ନ ୪ଟା ପରେ ଗୃହକାର୍ଯ୍ୟ ସ୍ୱଭାବିକ ହେବ ବୋଲି ଆଶା କରାଯାଉଛି ।