୩୦ ଦିନ ପାଇଁ ରିଫାଇନ୍ ତେଲକୁ କରନ୍ତୁ ବାଏ ବାଏ, ମିଳିବ ଅନେକ ଫାଇଦା

ଭାରତୀୟ ଖାଦ୍ୟରେ ସ୍ବାଦ ବଢ଼ାଇବାକୁ ହେଉ କି ତଡ଼କା ଦେବାକୁ ହେଉ ତେଲ ବିନା ରୋଷେଇ ଅଧୁରା । ମସଲା, ଘିଅ ଏବଂ ତେଲ ବିନା ଭାରତୀୟ ଖାଦ୍ୟର କିଛି ସ୍ବାଦ ଏବଂ ବାସ୍ନା ନଥାଏ । ପକୁଡି, ପୁରୀ, ପରଦା ଆଦି ଅନ୍ୟାନ୍ୟ ରୋଷେଇ କରିବା ଅତ୍ୟନ୍ତ ଗୁରୁତ୍ବପୂର୍ଣ୍ଣ । ଏହା ଆମ ସ୍ବାସ୍ଥ୍ୟ ପାଇଁ ଅହିତକର ହୋଇଥାଏ । ତଥାପି ଆମେ ଅଧିକ ତେଲ, ମସଲାଯୁକ୍ତ ଖାଦ୍ୟ ଖାଇଥାଉ । ଯଦି ଏଭଳି ଖାଦ୍ୟ ଅଭ୍ୟାସ ନିୟମିତ ରୁହେ ତେବେ ଏହା ଆମ ଶରୀର ଉପରେ କୁପ୍ରଭାବ ପକାଇଥାଏ । ବିଶେଷ କରି ଏଭଳି ଖାଦ୍ୟ ଓଜନ ବଢାଇବା ସହ ହାର୍ଟ ସମସ୍ୟା ସୃଷ୍ଟି କରିଥାଏ ।

ଖାସ୍ କରି ରିଫାଇନ୍ ତେଲକୁ ନେଇ ସାରା ଦୁନିଆରେ ହେଲ୍ଥ ଏକ୍ସପର୍ଟସ୍ ଚେତାବନୀ ଦେଇଆସୁଛନ୍ତି । ଏହାର ବ୍ୟବହାର କମରୁ ଅତି କମ୍ କଲେ ଭଲ । ବେଳେ ବେଳେ ଆମ ମନକୁ ଆସେ ଯଦି ଏ ରିଫାଇନ୍ ଖାଇବା ବନ୍ଦ କରିଦିଆଯାଏ କ’ଣ ହେବ । ହେଲେ ଖାଲି ୩୦ ଦିନ ଏହି ତେଲ ଖାଇବା ଦ୍ବାରା କ’ଣ ଲାଭ ହୁଏ ତାହା ଜାଣିବା ନିହାତି ଆବଶ୍ୟକ । ରିଫାଇନ୍ ତେଲ କ୍ୟାଲୋରି ଏବଂ ଟ୍ରାନ୍ସ ଫ୍ୟାଟରେ ଭରପୂର ହୋଇଥାଏ , ଯାହା ସିଧା ପେଟରେ ଚର୍ବିକୁ ବଢ଼ାଇଦିଏ । କିନ୍ତୁ ମାସଟେ ଏହି ତେଲ ଖାଇବା ଛାଡ଼ିଦେଲେ ମେଟାବେଲିଜିମ୍ କମିବା ସହ ଓଜନ ବି ହ୍ରାସ ପାଏ । ତେବେ ଏହି ୩୦ ଦିନର ଚ୍ୟାଲେଞ୍ଜ ନେବା ଦ୍ବାରା କେଉଁ ସବୁ ସମସ୍ୟାକୁ ରୋକା ଯାଇପାରିବ ସେ ସମ୍ପର୍କରେ ଜାଣିବା ।

ଅକାଳ ବୃଦ୍ଧାବସ୍ଥାକୁ ରୋକିବ : ରିଫାଇନ୍ ତେଲରେ ଥିବା ଅକ୍ସିଡାଇଜ୍ଡ ଫ୍ୟାଟ୍ ତ୍ୱଚା କୋଷଗୁଡ଼ିକୁ କ୍ଷତି ପହଞ୍ଚାଉଥିବା ମୁକ୍ତ ରାଡିକାଲ୍ସକୁ ପ୍ରୋତ୍ସାହିତ କରେ । ଏଗୁଡ଼ିକୁ ଦୂର କରିବା ଦ୍ୱାରା କୁଞ୍ଚନ, ସୂକ୍ଷ୍ମ ରେଖା ଏବଂ ପ୍ରାକୃତିକ ଭାବରେ ଦୃଢ଼ ତ୍ୱଚା ହ୍ରାସ ପାଇପାରେ । ଏହାର ପ୍ରଭାବ ତ୍ୱଚା ଉପରେ ମଧ୍ୟ ପଡ଼ିପାରେ । ଦୀର୍ଘ ସମୟ ଧରି ଅସନ୍ତୁଳିତ ଖାଦ୍ୟ ଖାଇଲେ ତ୍ୱଚାର ସ୍ୱାସ୍ଥ୍ୟ ପ୍ରଭାବିତ ହୋଇପାରେ ।

ପେଟର ଚର୍ବି କମିବ : ରିଫାଇନ୍ ତେଲ କ୍ୟାଲୋରୀ ଏବଂ ଟ୍ରାନ୍ସ ଫ୍ୟାଟରେ ଭରପୂର । ଯାହା ସିଧାସଳଖ ଭାବେ ପେଟ ଚର୍ବିକୁ ବୃଦ୍ଧି କରିଥାଏ । ତେଣୁ ଗୋଟିଏ ମାସ ପାଇଁ ଏହାକୁ ଏଡାଇବା ଦ୍ଵାରା ଆପଣଙ୍କର ମେଟାବୋଲିଜିମ୍ ବୃଦ୍ଧି ପାଇପାରେ ଏବଂ ଓଜନ ହ୍ରାସ ହୋଇପାରେ ।

ପାଚନ ପ୍ରଣାଳୀ ମଜବୁତ ହେବ : ରିଫାଇନ୍ ତେଲ ଅନ୍ତନଳୀର ଭିତର ଆସ୍ତରଣକୁ କ୍ଷତି ପହଞ୍ଚାଏ । ଏହି ଅଭ୍ୟାସକୁ ବନ୍ଦ କରିବା ଦ୍ଵାରା ଏସିଡିଟି, ପେଟ ଫୁଲିବା ଏବଂ କୋଷ୍ଠକାଠିନ୍ୟରୁ ତୁରନ୍ତ ମୁକ୍ତି ମିଳିଥାଏ ।

ହରମୋନ ସନ୍ତୁଳନ ଉନ୍ନତ ହେବ : ରିଫାଇନ୍ ତେଲରେ ଥିବା ରାସାୟନିକ ପଦାର୍ଥ ଏବଂ ପ୍ରିଜରଭେଟିଭ୍ ଶରୀରର ହରମୋନ୍ ସନ୍ତୁଳନକୁ ବିପର୍ଯ୍ୟସ୍ତ କରିଥାଏ । ୩୦ ଦିନର ଏହି ଚ୍ୟାଲେଞ୍ଜ ଥାଇରଏଡ୍, ଇନସୁଲିନ ପ୍ରତିରୋଧ ଏବଂ PCOD ଭଳି ସମସ୍ୟାକୁ ଉନ୍ନତ କରିପାରିବ ।

କେବଳ ସ୍ବାଦିଷ୍ଟ ଖାଦ୍ୟକୁ କେବଳ ଗୁରୁତ୍ବ ଦେବା ଜରୁରୀ ନୁହେଁ ବରଂ ସ୍ବାସ୍ଥ୍ୟ ପ୍ରତି ମଧ୍ୟ ସଚେତନ ରହିବା ଆବଶ୍ୟକ । ରିଫାଇନ୍ ତେଲର ବ୍ୟବହାର କମାଇବାକୁ ଚାହୁଁଥିଲେ, ରୋଷେଇରେ ଘଣା ସୋରିଷ ତେଲ କିମ୍ବା ଦେଶୀ ଘିଅ ବ୍ୟବହାର କରିପାରିବେ । କିନ୍ତୁ ମନେ ରଖନ୍ତୁ, ଏଗୁଡ଼ିକୁ ମଧ୍ୟ ସୀମିତ ପରିମାଣରେ ବ୍ୟବହାର କରିବା ଜରୁରୀ । ତେବେ ଆଜିଠାରୁ ଆରମ୍ଭ କରନ୍ତୁ ୩୦ ଦିନର ଚ୍ୟାଲେଞ୍ଜ । ଏହି ୩୦ ଦିନର ଚ୍ୟାଲେଞ୍ଜ ପରେ ହିଁ ଆପଣ ଫରକ୍ ଦେଖିବାକୁ ପାଇବେ ।