ସୁନକ ସରକାର ଏଣ୍ଟ୍ରି କଲେ ସୁଏଲା
ଲଣ୍ଡନ: ବ୍ରିଟେନର ନୂତନ ପ୍ରଧାନମନ୍ତ୍ରୀ ଭାବେ ଋଷି ସୁନକ ଦାୟିତ୍ୱ ନେବା ପରେ ଆଉ ଜଣେ ଭାରତୀୟ ବଂଶୋଭବ ସାଂସଦ ତାଙ୍କ ସରକାରରେ ପ୍ରବେଶ କରିଛନ୍ତି। କଞ୍ଜରଭେଟିଭ ପାର୍ଟିର ସାଂସଦ ସୁଏଲା ବ୍ରାବରମନଙ୍କୁ ସୁନକଙ୍କ କ୍ୟାବିନେଟରେ ବ୍ରିଟେନର ଗୃହ ମନ୍ତ୍ରୀ ଭାବେ ନିଯୁକ୍ତି ମିଳିଛି। ଲିଜ୍ ଟ୍ରସଙ୍କ ଶାସନ କାଳରେ ୬ ଦିନ ପୂର୍ବରୁ ଇସ୍ତଫା ଦେଇଥିବା ସୁଏଲା ଏବେ ସୁନକଙ୍କ ସରକାରରେ ସାମିଲ ହୋଇଛନ୍ତି।
ସରକାରୀ ନିୟମ ଉଲ୍ଲଂଘନ କରିଥିବା କହି ଅକ୍ଟୋବର ୧୯ ରେ ବ୍ରିଟେନର ଗୃହ ମନ୍ତ୍ରୀ ପଦରୁ ଇସ୍ତଫା ଦେଇଥିଲେ ସୁଏଲା। ସେ ନିଜ ଇସ୍ତଫା ତତ୍କାଳୀନ ପ୍ରଧାନମନ୍ତ୍ରୀ ଲିଜ ଟ୍ରସଙ୍କ ନିକଟକୁ ପଠାଇଦେଇଥିଲେ। ଏହାପରେ ଲିଜ୍ ଟ୍ରସ ନିଜ ପଦରୁ ଇସ୍ତଫା ଦେଇଥିବା ବେଳେ ସୁନକ ସମ୍ଭାଳିଛନ୍ତି ପ୍ରଧାନମନ୍ତ୍ରୀ ଗାଦି।