ପୁଟିନଙ୍କ ପୂର୍ବରୁ ପହଞ୍ଚିଲେ ଉପପ୍ରଧାନମନ୍ତ୍ରୀ ଡେନିସ୍ ମାଣ୍ଟୁରୋଭ

ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଭାରତ ଗସ୍ତ ପୂର୍ବରୁ, ରୁଷର ପ୍ରଥମ ଉପ-ପ୍ରଧାନମନ୍ତ୍ରୀ ତଥା ଭାରତ-ରୁଷ ବାଣିଜ୍ୟ, ଅର୍ଥନୈତିକ, ବୈଜ୍ଞାନିକ, ପ୍ରଯୁକ୍ତିବିଦ୍ୟା ଏବଂ ସାଂସ୍କୃତିକ ସହଯୋଗ ଆନ୍ତଃ-ସରକାରୀ ଆୟୋଗର ସହ-ଅଧ୍ୟକ୍ଷ ଡେନିସ୍ ମାଣ୍ଟୁରୋଭ ଦିଲ୍ଲୀ ରେ ପହଞ୍ଚିଛନ୍ତି । ଡେନିସ୍ ଦିଲ୍ଲୀରେ ପହଞ୍ଚିବା ପରେ ତାଙ୍କୁ ସଂସଦ ଗୃହକୁ ପାଛୋଟି ନିଆଯାଇଛି । ଡେନିସ୍ ତାଙ୍କ ପ୍ରତିକ୍ରିୟାରେ କହିଛନ୍ତି ଯେ,ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଏହି ଭାରତ ଗସ୍ତ ବାର୍ଷିକ ଉଚ୍ଚସ୍ତରୀୟ ସମ୍ମିଳନୀର ପରମ୍ପରାକୁ ଫେରାଇବା ସହ ଦୁଇ ଦେଶ ମଧ୍ୟରେ ରଣନୈତିକ ସହଭାଗୀତାକୁ ଗଭୀର କରିବା ଦିଗରେ ଏକ ପ୍ରମୁଖ ପଦକ୍ଷେପ ହେବ ।

ଅନେକ ଦିନ ପରେ ରାଷ୍ଟ୍ରପତି ପୁଟିନ ପ୍ରଥମ ଭାରତ ଗସ୍ତ କରିଛନ୍ତି । ମାଣ୍ଟୁରୋଭ ପ୍ରତିକ୍ରିୟାରେ କହିଛନ୍ତି, ଡିସେମ୍ବର ୪-୫ ତାରିଖ ବୈଠକ ଫଳପ୍ରଦ ହେବା ନିଶ୍ଚିତ କରିବା ପାଇଁ ଉଭୟ ପକ୍ଷ ଏଜେଣ୍ଡାକୁ ସମ୍ପୂର୍ଣ୍ଣ ଭାବରେ ପ୍ରସ୍ତୁତ କରିଛନ୍ତି ।

ଭ୍ଲାଦିମିର ପୁଟିନଙ୍କ ବନ୍ଧୁତ୍ୱପୂର୍ଣ୍ଣ ଦେଶକୁ ଦୀର୍ଘ ସମୟ ମଧ୍ୟରେ ପ୍ରଥମ ଗସ୍ତ ହେବ । ଏହା ଆମକୁ ବାର୍ଷିକ ଉଚ୍ଚସ୍ତରୀୟ ଶିଖର ସମ୍ମିଳନୀର ପରମ୍ପରାକୁ ଫେରାଇ ଆଣିବ ଯାହା ଏକ ଅସ୍ୱୀକାର୍ଯ୍ୟ ସଫଳତାକୁ ପ୍ରତିନିଧିତ୍ୱ କରିବ । ଆମର ଭାରତୀୟ ସହକର୍ମୀଙ୍କ ସହିତ ଆମେ ଗସ୍ତ ପାଇଁ କାର୍ଯ୍ୟସୂଚୀ ସମ୍ପୂର୍ଣ୍ଣ ଭାବରେ ପ୍ରସ୍ତୁତ କରିଛୁ । ଆମେ ଆଶା କରୁଛୁ ଯେ ହେବାକୁ ଥିବା ସମସ୍ତ ବୈଠକ ଏବଂ ଆଲୋଚନା ଫଳପ୍ରଦ ହେବ ଏବଂ ସମସ୍ତ କ୍ଷେତ୍ରରେ ଆମ ଦୁଇ ଦେଶର ରଣନୈତିକ ସହଯୋଗ ପାଇଁ ନୂତନ ଗତି ଦେବ ବୋଲି ମାଣ୍ଟୁରୋଭ କହିଛନ୍ତି।