ପ୍ରଧାନମନ୍ତ୍ରୀ ମୋଦୀଙ୍କୁ ମିଳିଲା ଫ୍ରାନ୍ସର ସର୍ବୋଚ୍ଚ ‘ଲିଜନ୍ ଅଫ୍ ଅନର ସମ୍ମାନ’

ନୂଆଦିଲ୍ଲୀ (ଆମ ଟିଭି): ବିଦେଶରେ ବଢୁଛି ଭାରତର କ୍ରେଜ୍ । ଆଉ ଏହାର କର୍ଣ୍ଣଧାର ପାଲଟିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ବର୍ତ୍ତମାନ ପ୍ରଧାନମନ୍ତ୍ରୀ ମୋଦୀ ଦୁଇ ଦିନିଆ ଫ୍ରାନ୍ସ ଗସ୍ତରେ ଅଛନ୍ତି । ଏହି ଅବସରରେ ତାଙ୍କୁ ଦିଆଯାଇଛି ଫ୍ରାନ୍ସର ସର୍ବୋଚ୍ଚ ‘ଲିଜନ୍ ଅଫ୍ ଅନର’ ସମ୍ମାନ ।

ଏହି ପୁରସ୍କାର ଶ୍ରେଷ୍ଠ ରାଜନେତା ଏବଂ ପ୍ରତିଷ୍ଠିତ ବ୍ୟକ୍ତିତ୍ୱଙ୍କୁ ଦିଆଯାଏ । ଏହା ପୂର୍ବରୁ ଫ୍ରାନ୍ସର ରାଷ୍ଟ୍ରପତି ମେକ୍ରୋ ମଧ୍ୟ ମୋଦୀଙ୍କ ସମ୍ମାନରେ ରାତ୍ରୀ ଭୋଜନର ଆୟୋଜନ କରିଥିଲେ । ଫ୍ରାନ୍ସ ଦ୍ୱାରା ଦିଆଯାଇଥିବା ଏହି ସର୍ବୋଚ୍ଚ ସମ୍ମାନ ମୋଦୀଙ୍କୁ ବିଦେଶରୁ ମିଳିଥିବା ବିଭିନ୍ନ ଶୀର୍ଷ ଅନ୍ତରାଷ୍ଟ୍ରିୟ ସମ୍ମାନର ତାଲିକାରେ ସାମିଲ ହୋଇଛି ।