ବିଜେପିର ନୂଆ ଟିମ୍ ସହ ମୋଦୀଙ୍କ ମନ୍ଥନ;ଯୁବପିଢ଼ିଙ୍କ ସହ ଯୋଡ଼ିହେବା ଉପରେ ଗୁରୁତ୍ୱ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ସନ୍ଧ୍ୟାରେ ନୂଆଦିଲ୍ଲୀସ୍ଥିତ ବିଜେପି ମୁଖ୍ୟାଳୟରେ ପହଞ୍ଚି ଦଳର ନବନିଯୁକ୍ତ ଜାତୀୟ ପଦାଧିକାରୀଙ୍କ ସହ ବୈଠକ କରିଛନ୍ତି। ନୂତନ ଟିମ୍ ଘୋଷଣା ହେବା ପରେ ପ୍ରଧାନମନ୍ତ୍ରୀଙ୍କ ସହ ଏହା ପ୍ରଥମ ସାକ୍ଷାତ୍କାର।ବୈଠକ ପରେ ପ୍ରଧାନମନ୍ତ୍ରୀ ‘ଏକ୍ସ’ରେ ପୋଷ୍ଟ କରି କହିଛନ୍ତି ଯେ, ଦଳୀୟ ସହକର୍ମୀଙ୍କ ସହ ଏହା ଏକ ଭଲ ବୈଠକ ଥିଲା। ଏଭଳି ବୈଠକ ଦଳକୁ ଆହୁରି ସୁଦୃଢ଼ କରିବା ସହ ଜନସାଧାରଣଙ୍କ ସହ ଅଧିକ ପ୍ରଭାବଶାଳୀ ଯୋଗାଯୋଗ ସ୍ଥାପନ ପାଇଁ ଚିନ୍ତନ ଓ ଆଲୋଚନାର ମଞ୍ଚ ପ୍ରଦାନ କରେ ବୋଲି ସେ ଉଲ୍ଲେଖ କରିଛନ୍ତି।ଏହାପୂର୍ବରୁ ଶନିବାର ସକାଳେ ନବନିଯୁକ୍ତ ଜାତୀୟ ପଦାଧିକାରୀମାନେ ବିଜେପି ସଭାପତି ନୀତିନ ନବୀନଙ୍କ ସହ ମଧ୍ୟ ବୈଠକ କରିଥିଲେ। ଅଗଷ୍ଟ ୧୭ରେ ବିଜେପିର ନୂତନ ଜାତୀୟ ଟିମ୍ ଘୋଷଣା କରାଯାଇଥିଲା। ୬୫ ଜଣିଆ ଟିମ୍ରେ ରାମ ମାଧବଙ୍କୁ ଉପାଧ୍ୟକ୍ଷ ଏବଂ ସ୍ମୃତି ଇରାନୀଙ୍କୁ ସାଧାରଣ ସମ୍ପାଦକ ଭାବେ ସାମିଲ କରାଯାଇଛି।