ଏଫିଲ ଟାୱାର ଉଡ଼ାଇ ଦେବାକୁ ଆସିଲା ଧମକ
ପ୍ୟାରିସ୍: ପ୍ୟାରିସ୍ ସ୍ଥିତ ଏଫିଲ୍ ଟାୱାରକୁ ବିସ୍ଫୋରଣରେ ଉଡ଼ାଇଦେବାକୁ ଆଜି ଧମକ ମିଳିଛି। ପ୍ୟାରିସ୍ ପୁଲିସକୁ ଏଭଳି ଧମକ ମିଳିବା ପରେ ଏଫିଲ୍ ଟାୱାରକୁ ଖାଲି କରାଯାଇଛି ଏବଂ ସୁରକ୍ଷା ବନ୍ଦୋବସ୍ତ କଡ଼ାକଡ଼ି ହୋଇଛି।
ଏଫିଲ୍ ଟାୱାରକୁ ତନ୍ନତନ୍ନ କରି ଯାଞ୍ଚ କରାଯିବା ସହ ଆଖପାଖ ଅଞ୍ଚଳର ସୁରକ୍ଷା ମଧ୍ୟ ବଢ଼ାଇ ଦିଆଯାଇଛି। ସଂପୂର୍ଣ୍ଣ ସୁରକ୍ଷା ସୁନିଶ୍ଚିତ ନହେବା ପର୍ଯ୍ୟନ୍ତ ଏହା ପର୍ଯ୍ୟଟକଙ୍କ ପାଇଁ ବନ୍ଦ ରହିବ ବୋଲି କୁହାଯାଇଛି।