ଅଧିରଞ୍ଜନ ଚୌଧୁରୀ କହିଲେ କଂଗ୍ରେସର ବଡ ବିଜୟ, ଜାଣନ୍ତୁ କାହିଁକି
ନୂଆଦିଲ୍ଲୀ: ‘ମୋଦୀ ସାଙ୍ଗିଆ’ ଟିପ୍ପଣୀ ମାନହାନୀ ମାମଲାରେ କଂଗ୍ରେସ ନେତା ରାହୁଲ୍ ଗାନ୍ଧୀଙ୍କ ପ୍ରତି ହୋଇଥିବା ଦଣ୍ଡାଦେଶ ଉପରେ ଆଜି ସୁପ୍ରିମ୍ କୋର୍ଟ ରହିତାଦେଶ ଜାରି କରିବା ପରେ ବରିଷ୍ଠ କଂଗ୍ରେସ ନେତାମାନେ ଏହା ଉପରେ ପ୍ରତିକ୍ରିୟା ରଖିଛନ୍ତି। ସୁପ୍ରିମକୋର୍ଟଙ୍କ ଏହି ନିଷ୍ପତ୍ତି ଉପରେ ମନ୍ତବ୍ୟ ଦେଇ ଲୋକସଭାରେ କଂଗ୍ରେସ ନେତା ଅଧୀର ରଂଜନ ଚୌଧୁରୀ କହିଛନ୍ତି ଯେ ‘ଏହା ଖୁସିର ଦିନ …’ ମୁଁ ଆଜି ଲୋକସଭା ବାଚସ୍ପତିଙ୍କୁ ଏକ ଚିଠି ଲେଖିବି ଏବଂ ଆଲୋଚନା କରିବି। ସେ ଆହୁରି କହିଛନ୍ତି, “ସଂସଦ କମ୍ପ୍ଲେକ୍ସ ଆପଣ ସବୁଠାରେ ‘ସତ୍ୟମେବ ଜୟତେ’ ଦେଖିବେ। ରାହୁଲ ଗାନ୍ଧୀଙ୍କ ବିରୋଧରେ ଷଡ଼ଯନ୍ତ୍ର ଆଜି ବିଫଳ ହୋଇଛି। ମୋଦୀଜିଙ୍କ ଉପରେ ରାହୁଲ ଗାନ୍ଧୀଙ୍କ ବିଜୟ ଭାରୀ ପଡ଼ିବ।
ଅନ୍ୟପକ୍ଷରେ ସୁପ୍ରିମକୋର୍ଟଙ୍କ ତରଫରୁ ରାହୁଲ ଗାନ୍ଧୀଙ୍କ ଉପରେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ କହିଛନ୍ତି ଯେ ଏହା ସତ୍ୟ ଏବଂ ନ୍ୟାୟର ବିଜୟ। ଗେହଲୋଟ୍ ଟୁଇଟ୍ କରି କହିଛନ୍ତି, “ରାହୁଲ ଗାନ୍ଧୀଙ୍କ ବିରୋଧରେ ମାନହାନୀ ମାମଲାରେ ଦଣ୍ଡାଦେଶ ଶୁଣାଇବାକୁ ସୁପ୍ରିମକୋର୍ଟଙ୍କ ନିଷ୍ପତ୍ତି ସ୍ୱାଗତଯୋଗ୍ୟ। ଏହା ସତ୍ୟ ଏବଂ ନ୍ୟାୟର ବିଜୟ।”
ଠିକ୍ ସେହିପରି କଂଗ୍ରେସ ନେତା ସଚିନ ପାଇଲଟ ନିଜର ଟୁଇଟରରେ ଲେଖିଛନ୍ତି, “ସତ୍ୟମେବ ଜୟତେ’। ସୁପ୍ରିମକୋର୍ଟ ରାହୁଲ ଗାନ୍ଧୀଙ୍କ ଦଣ୍ଡାଦେଶ ଉପରେ ରହିତାଦେଶ ଦେଇ ଗଣତନ୍ତ୍ରର ସ୍ୱରକୁ ମଜଭୁତ କରିଛନ୍ତି। ଭାରତର ସ୍ୱର ପୁଣି ସଂସଦରେ ପ୍ରତିଫଳିତ ହେବ … ଅଧିକାରର ସ୍ୱର! ଦୃଢତା ପାଇଁ ମାନ୍ୟବର କୋର୍ଟଙ୍କୁ ଧନ୍ୟବାଦ। ”